ലോക്സഭാ തെരഞ്ഞെടുപ്പ്; ആറാം ഘട്ട വോട്ടെടുപ്പ് ശനിയാഴ്ച
Friday, May 24, 2024 8:54 PM IST
ന്യൂഡൽഹി: ലോക്സഭാ തെരഞ്ഞെടുപ്പില് ആറാം ഘട്ട വോട്ടെടുപ്പ് ശനിയാഴ്ച. ഏഴ് സംസ്ഥാനങ്ങളിലെയും ഒരു കേന്ദ്ര ഭരണ പ്രദേശത്തെയും 58 മണ്ഡലങ്ങളിലാണ് ആറാം ഘട്ടത്തിൽ വോട്ടെടുപ്പ് നടക്കുന്നത്.
ആറാം ഘട്ടത്തില് ഏറ്റവുമധികം മണ്ഡലങ്ങളില് വോട്ടെടുപ്പ് നടക്കുന്നത് യുപിയിലാണ്. ഉത്തർ പ്രദേശിലെ 14 ഉം ബീഹാർ, ബംഗാള് എന്നിവിടങ്ങളിലെ എട്ടും ഒഡീഷയിലെ ആറും ജാർഖണ്ഡിലെ നാല് മണ്ഡലങ്ങളും നാളെ വിധിയെഴുതും. ഏഴുസീറ്റുള്ള ഡല്ഹിയിലും പത്ത് സീറ്റുള്ള ഹരിയാനയിലും ഒറ്റ ഘട്ടത്തിലാണ് വോട്ടെടുപ്പ് നടക്കുന്നത്.
മത്സര രംഗത്ത് 889 സ്ഥാനാർഥികളാണ് ഉള്ളത്. ജമ്മു കാഷ്മീർ മുൻ മുഖ്യമന്ത്രി മെഹബൂബ മുഫ്തി, ഹരിയാന മുൻ മുഖ്യമന്ത്രി മനോഹർലാല് ഘട്ടർ ഉള്പ്പെടെയുള്ളവർ നാളെ ജനവിധി തേടും.