കനത്ത മഴയിൽ വീടിന്റെ മേൽക്കൂര തകർന്നു
Friday, May 24, 2024 8:47 PM IST
ആലപ്പുഴ: ശക്തമായ മഴയിൽ വീട് തകർന്നു. ആലപ്പുഴ എടത്വയിലാണ് സംഭവം.
തലവടി പഞ്ചായത്ത് 14 ആം വാർഡ് പീടികത്തറ വീട്ടിൽ ഇട്ടി ചെല്ലപ്പന്റെ വീടാണ് കനത്ത മഴയിൽ തകർന്നത്. രാവിലെ ഉണ്ടായ കനത്തമഴയിൽ വീടിന്റെ അടുക്കളയുടെ മേൽക്കൂര പൂർണമായും നിലംപൊത്തി.
അടുക്കളയിൽ പാചകം ചെയ്തുകൊണ്ടിരുന്ന ചെല്ലപ്പന്റെ ഭാര്യ കുട്ടിയമ്മ പുറത്തേക്ക് ഇറങ്ങിയ സമയത്താണ് വീട് തകർന്ന് വീണത്. ഇതിനാൽ വലിയ അപകടമാണ് ഒഴിവായത്.