സ്കൂട്ടറിൽനിന്ന് തെറിച്ചുവീണ വീട്ടമ്മയുടെ ശരീരത്തിൽ ലോറി കയറി മരിച്ചു
Friday, May 24, 2024 6:24 AM IST
കോഴിക്കോട്: വാഹനാപകടത്തിൽ വീട്ടമ്മ മരിച്ചു. വടകര മണിയൂര് സ്വദേശിനി കരുവഞ്ചേരി തോട്ടത്തില് താഴെകുനി സെറീന(43) ആണ് മരിച്ചത്. പയ്യോളി മുന്സിഫ് മജിസ്ട്രേറ്റ് കോടതിക്ക് സമീപം വ്യാഴാഴ്ചയാണ് അപകടം നടന്നത്.
സെറീനയും ഭർത്താവ് ബഷീറും കൊയിലാണ്ടി ഭാഗത്തേക്ക് പോകുന്നതിനിടെ യുവതി സ്കൂട്ടറിൽനിന്ന് തെറിച്ച് വീഴുകയായിരുന്നു. തുടർന്ന് ഇവരുടെ ദേഹത്തുകൂടി ഇതുവഴി വന്ന ലോറി കയറിയിറങ്ങുകയായിരുന്നു.
ഉടൻ ഇവരെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടത്തിൽ നിസാര പരിക്കുകളോടെ ഭർത്താവ് ബഷീർ രക്ഷപ്പെട്ടു.