ചികിത്സാ പിഴവ് ; മന്ത്രി വീണാ ജോർജ് ഉന്നതതല യോഗം വിളിച്ചു
Tuesday, May 21, 2024 5:58 PM IST
തിരുവനന്തപുരം: സർക്കാർ ആശുപത്രികളിൽ തുടർച്ചയായി ചികിത്സാ പിഴവ് ഉണ്ടാകുന്നു എന്ന പരാതിയിൽ ഇടപെട്ട് മന്ത്രി വീണാ ജോർജ്. ആലപ്പുഴ, കോഴിക്കോട് മെഡിക്കൽ കോളജുകളിൽ ചികിത്സ പിഴവ് ഉണ്ടായി എന്ന പരാതിയെ തുടർന്ന് ആരോഗ്യ മന്ത്രി ഉന്നതതല യോഗം വിളിച്ചു.
നാളെ തിരുവനന്തപുരത്ത് ചേരുന്ന യോഗത്തിൽ പ്രിൻസിപ്പൽ മുതൽ ഡപ്യൂട്ടി സൂപ്രണ്ട് വരെയുള്ള ഉദ്യോഗസ്ഥർ പങ്കെടുക്കണമെന്ന് മന്ത്രി നിർദേശം നൽകി. യോഗത്തിൽ ആലപ്പുഴ, കോഴിക്കോട് മെഡിക്കൽ കോളജുകൾക്കെതിരെ ഉയർന്ന പരാതികൾ പരിശോധിക്കും.
കോഴിക്കോട് മെഡിക്കൽ കോളജ് ആശുപത്രിയിൽ കുഞ്ഞിന്റെ അവയവം മാറി ശസ്ത്രക്രിയ ചെയ്തുവെന്ന പരാതിയിൽ ശസ്ത്രക്രിയ നടത്തിയ ഡോക്ടറെ പോലീസ് ചോദ്യം ചെയ്തിരുന്നു.