മഴ മുന്നറിയിപ്പില് മാറ്റം; മൂന്ന് ജില്ലകളില് റെഡ് അലര്ട്ട് തുടരും
Monday, May 20, 2024 3:08 PM IST
തിരുവനന്തപുരം: സംസ്ഥാനത്തെ മഴ മുന്നറിയിപ്പില് മാറ്റം. മൂന്ന് ജില്ലകളില് ഇന്ന് റെഡ് അലര്ട്ട് തുടരും. പത്തനംതിട്ട, കോട്ടയം, ഇടുക്കി ജില്ലകളിലാണ് റെഡ് അലര്ട്ടുള്ളത്. ആലപ്പുഴയില് റെഡ് അലര്ട്ട് പിന്വലിച്ചതായി കാലാവസ്ഥാ വകുപ്പ് അറിയിച്ചു.
പത്തനംതിട്ടയില് മൂന്ന് ദിവസത്തേക്ക് റെഡ് അലര്ട്ട് തുടരും. എട്ട് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂര്, പാലക്കാട്, മലപ്പുറം, കോഴിക്കോട് ജില്ലകളിലാണ് ഓറഞ്ച് അലര്ട്ട്. മറ്റ് ജില്ലകളിൽ യെല്ലോ അലർട്ടാണ്.
മണ്ണിടിച്ചില്, ഉരുള്പൊട്ടല് പോലുള്ള അപകടങ്ങള്ക്കുള്ള സാധ്യത കണക്കിലെടുത്ത് മലയോര മേഖലയിലുള്ളവര് അതീവജാഗ്രത പാലിക്കണമെന്നാണ് മുന്നറിയിപ്പ്.