അനധികൃത പരസ്യബോർഡുകൾ നീക്കം ചെയ്തു
Friday, May 17, 2024 5:10 AM IST
ചെന്നൈ: മുംബൈയിൽ കൂറ്റൻ പരസ്യബോർഡ് വീണ് 16 പേർ മരിച്ചതിനെ തുടർന്ന് ചെന്നൈ നഗരത്തിൽ സ്ഥാപിച്ച അനധികൃത പരസ്യബോർഡുകൾ നീക്കം ചെയ്തു.
നഗരത്തിൽ മാത്രമായി 460 ബേർഡുകൾ നീക്കം ചെയ്തു. പൊതുസ്ഥലങ്ങൾ, പെട്രോൾ പമ്പുകൾ, ബസ് ഷെൽട്ടറുകൾ, ഫ്ളൈ ഓവറുകൾ തുടങ്ങിയ സ്ഥലങ്ങളിൽ സ്ഥാപിച്ച പരസ്യബോർഡുകൾ അധികൃതർ പരിശോധിച്ചു.
സുരക്ഷിതമല്ലാത്തവ മാറ്റിയെന്നും ജനങ്ങളുടെ ജീവന് ഭീഷണിയായി ബോർഡുകൾ സ്ഥാപിക്കരുതെന്നും ചെന്നൈ കോർപറേഷൻ അധികൃതർ പറഞ്ഞു.