കൊടുവള്ളിയിൽ ബൈക്ക് പോസ്റ്റിലിടിച്ച് രണ്ടുപേർ മരിച്ചു
Sunday, March 3, 2024 6:30 AM IST
കോഴിക്കോട്: സൗത്ത് കൊടുവള്ളിയിൽ ബൈക്ക് ഇലക്ട്രിക് പോസ്റ്റിലിടിച്ച് രണ്ടുപേർ മരിച്ചു. കോഴിക്കോട്-വയനാട് പാതയിൽ ഇന്ന് പുലർച്ചെയാണ് അപകടമുണ്ടായത്. മരിച്ചവരെ തിരിച്ചറിഞ്ഞില്ല.
അപകടത്തിന് പിന്നാലെ ബൈക്ക് കത്തിയതിനാൽ ഇരുവർക്കും പൊള്ളലേറ്റു. ഒരാൾക്ക് തിരിച്ചറിയാൻ സാധിക്കാത്തവിധം പൊള്ളലേറ്റിട്ടുണ്ട്.
ഇവരുടെ കൈവശമുണ്ടായിരുന്ന പേഴ്സിൽ നിന്നും ലഭിച്ച വിവരത്തിന്റെ അടിസ്ഥാനത്തിൽ ഇവർ ഉത്തരേന്ത്യക്കാരാണെന്നാണ് പ്രാഥമിക നിഗമനം. മൃതദേഹങ്ങൾ കോഴിക്കോട് മെഡിക്കൽ കോളജിലേക്ക് മാറ്റി.