സിദ്ധാർഥന്റെ മരണം ; പ്രതികളെ രക്ഷിക്കാൻ പാർട്ടി ഇടപെടില്ല: സി.കെ.ശശീന്ദ്രൻ
Friday, March 1, 2024 6:47 PM IST
കോഴിക്കോട്: പൂക്കോട് വെറ്ററിനറി സര്വകലാശാല കാമ്പസിലെ വിദ്യാര്ഥി സിദ്ധാർഥന്റെ മരണത്തിൽ രമേശ് ചെന്നിത്തലയുടെ ആരോപണങ്ങൾക്ക് മറുപടിയുമായി മുൻ എംഎല്എ സി.കെ.ശശീന്ദ്രൻ.
വിദ്യാർഥികൾ തമ്മിലുള്ള പ്രശ്നമാണ് ആത്മഹത്യയിലേക്ക് നയിച്ചതെന്നും പ്രതികളെ രക്ഷിക്കാൻ പാർട്ടി ഇടപെടില്ലെന്നും സി.കെ.ശശീന്ദ്രൻ പറഞ്ഞു. സന്വേഷണം ഏറ്റെടുത്ത കല്പ്പറ്റ ഡിവൈഎസ്പിയെ സി.കെ.ശശീന്ദ്രനും സിപിഎം നേതാക്കളും ചേര്ന്ന് ഭീഷണിപ്പെടുത്തിയെന്ന് ചെന്നിത്തല പറഞ്ഞിരുന്നു.
സിദ്ധാര്ഥന്റെ കൊലപാതകം ആത്മഹത്യയാക്കി മാറ്റാന് പൂക്കോട് എസ്എച്ച്ഒ ശ്രമിച്ചെന്നും പോലീസ് ഉദ്യോഗസ്ഥരെ സി.കെ.ശശീന്ദ്രനും സിപിഎം നേതാക്കളും ഭീഷണിപ്പെടുത്തി കേസ് അട്ടിമറിക്കാൻ ശ്രമിക്കുകയാണെന്നും ചെന്നിത്തല പറഞ്ഞിരുന്നു.