ലോകായുക്തയുടെ നടുവൊടിഞ്ഞു, കേന്ദ്രവും സംസ്ഥാനവും തമ്മില് അണ്ണന്-തമ്പി ബന്ധമെന്ന് സതീശന്
Thursday, February 29, 2024 1:06 PM IST
തിരുവനന്തപുരം: ലോകായുക്ത ബില്ലില് രാഷ്ട്രപതി ഒപ്പു വച്ചതിനെതിരേ പ്രതിപക്ഷ നേതാവ് വി.ഡി.സതീശന്. രാഷ്ട്രപതി ബില്ലിന് അംഗീകാരം കൊടുത്തതോടെ കേരളത്തിലെ അഴിമതി വിരുദ്ധ സംവിധാനത്തിന്റെ നടുവൊടിഞ്ഞെന്ന് സതീശന് വിമര്ശിച്ചു.
മന്ത്രിമാര്ക്കെതിരായ അഴിമതി ലോകായുക്ത കണ്ടെത്തിയാലും അത് മുഖ്യമന്ത്രിക്ക് റദ്ദാക്കെമെന്നാണ് ബില്ലിലെ വ്യവസ്ഥ. ഏതെങ്കിലും മുഖ്യമന്ത്രി മന്ത്രിമാര്ക്കെതിരേ നടപടിയെടുക്കാന് തയാറാകുമോ എന്ന് സതീശന് ചോദിച്ചു.
ലോകായുക്ത സംവിധാനത്തെ നോക്കുകുത്തിയാക്കി മാറ്റി. ഗവര്ണര് രാഷ്ട്രപതിക്ക് അയച്ച ബില്ലില് ഇത്ര വേഗം തീരുമാനം വന്നത് തന്നെ അദ്ഭുതപ്പെടുത്തി.
കേന്ദ്രവും സംസ്ഥാനവും തമ്മിലുള്ള അണ്ണന്-തമ്പി ബന്ധത്തിന്റെ ഫലമാണിത്. കേരളത്തിലെ സിപിഎമ്മുമായി സംഘപരിപാറിന് അവിശുദ്ധ കൂട്ടുകെട്ടുണ്ടെന്ന് ഇതോടെ വ്യക്തമായെന്നും സതീശന് വിമര്ശിച്ചു.