പു​ൽ​പ്പ​ള്ളി: മു​ള്ള​ന്‍​കൊ​ല്ലി ടൗ​ണി​ല്‍ വീ​ണ്ടും ക​ടു​വ​യി​റ​ങ്ങി. ചൊ​വ്വാ​ഴ്ച രാ​വി​ലെ ടൗ​ണി​നു സ​മീ​പ​ത്ത് സ്വ​കാ​ര്യ​വ്യ​ക്തി​യു​ടെ പ​റ​ന്പി​ൽ ജോ​ലി​ചെ​യ്തു​കൊ​ണ്ടി​രു​ന്ന അ​തി​ഥി​തൊ​ഴി​ലാ​ളി പ​നീ​റാ​ണ് ക​ടു​വ​യെ ക​ണ്ട​ത്.

ജോ​ലി ചെ​യ്തു കൊ​ണ്ടി​രു​ന്ന ത​ന്‍റെ മു​ന്നി​ലൂ‌​ടെ ക​ടു​വ കാ​ട്ടു​പ​ന്നി​ക​ളെ ഓ​ടി​ച്ചു​കൊ​ണ്ടു പോ​കു​ക​യാ​യി​രു​ന്നു​വെ​ന്ന് പ​നീ​ർ പ​റ​ഞ്ഞു. തു​ട​ർ​ന്ന് നാ​ട്ടു​കാ​രു​ടെ​യും വ​നം​വ​കു​പ്പ് ഉ​ദ്യേ​ഗ​സ്ഥ​രു​ടെ‌​യും നേ​തൃ​ത്വ​ത്തി​ൽ പ്ര​ദേ​ശ​ത്ത് തെ​ര​ച്ചി​ൽ ന‌​ട​ത്തി‌​യെ​ങ്കി​ലും ക​ടു​വ‌​യെ ക​ണ്ടെ​ത്തി​യി​ല്ല.

ക​ഴി​ഞ്ഞ ഞാ‌​യ​റാ​ഴ്ച കാ​ക്ക​നാ​ട് തോ​മ​സി​ന്‍റെ മൂ​രി​ക്കി​ടാ​വി​നെ ക​ടു​വ കൊ​ന്നു​തി​ന്നി​രു​ന്നു. തു​ട​ർ​ന്ന് വ​ടാ​ന​ക്ക​വ​ല​യി​ല്‍ വ​നം​വ​കു​പ്പ് സ്ഥാ​പി​ച്ച കൂ​ട്ടി​ൽ ക‌ു​ടു​വ കു​ടു​ങ്ങി​യി​രു​ന്നു.

പ്ര​ദേ​ശ​ത്ത് കൂ‌​ടു​ത​ൽ ക‌​ടു​വ​ക​ളു​ണ്ടെ​ന്നും ഇ​വ‌​യെ അ​ടി‌​യ​ന്ത​ര​മാ​യി പി​ടി​കൂ​ടാ​നു​ള്ള ന‌​ട​പ​ടി​ക​ൾ അ​ധി​കൃ​ത​ർ സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് നാ​ട്ടു​കാ​രു​ടെ നേ​തൃ​ത്വ​ത്തി​ൽ ഇ​ന്ന് മു​ള്ള​ൻ​കൊ​ല്ലി ടൗ​ണി​ൽ പ്ര​തി​ഷേ​ധം സം​ഘ​ടി​പ്പി​ച്ചു.

നാ​ട്ടു​കാ​ർ ജാ​ഗ്ര​ത പാ​ലി​ക്ക​ണ​മെ​ന്നും പ്ര​ദേ​ശ​ത്ത് നി​രീ​ക്ഷ​ണം ശ​ക്ത​മാ​ക്കു​മെ​ന്നും ആ​വ​ശ്യ​മെ​ങ്കി​ൽ കൂ​ട് സ്ഥാ​പി​ക്കു​മെ​ന്നും വ​നം​വ​കു​പ്പ് അ​ധി​കൃ​ത​ർ പ​റ​ഞ്ഞു.