മാസപ്പടി ലാവ്ലിന് ശേഷം കേരളം കണ്ട ഏറ്റവും വലിയ അഴിമതി; മുഖ്യമന്ത്രി രാജി വയ്ക്കണമെന്ന് സുധാകരന്
Tuesday, February 27, 2024 11:12 AM IST
കൊല്ലം: സിഎംആർഎലിന് വേണ്ടി മുഖ്യമന്ത്രി നേരിട്ട് ഇടപെടൽ നടത്തിയെന്ന മാത്യു കുഴന്നാടന്റെ ആരോപണം ഗൗരവതരമെന്ന് കെപിസിസി പ്രസിഡന്റ് കെ.സുധാകരന്. കെആര്എംഇഎലിൽനിന്നും സിഎംആര്എലില്നിന്നുമായി 95 കോടി വാങ്ങിയത് പിണറായി ആണെന്നും സുധാകരന് വിമർശിച്ചു.
കൊല്ലത്ത് സമരാഗ്നി പരിപാടിയോടനുബന്ധിച്ച് പ്രതിപക്ഷ നേതാവ് വി.ഡി.സതീശനും കെ.സുധാകരനും നടത്തുന്ന സംയുക്ത വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം. ലാവ്ലിന് ശേഷം കേരളം കണ്ട ഏറ്റവും വലിയ അഴിമതിയാണ് മാസപ്പടി.
എസ്എഫ്ഐഒ അന്വേഷണം കൊണ്ട് മാത്രം ഇത്രയും വലിയ അഴിമതിയുടെ അടിവേരുകള് കണ്ടെത്താനാകില്ല. മുഖ്യമന്ത്രിക്കെതിരേ കോടതി നിരീക്ഷണത്തിലുള്ള സിബിഐ അന്വേഷണം വേണമെന്നും സുധാകരന് ആവശ്യപ്പെട്ടു.
സര്ക്കാര് അന്വേഷണത്തിന് തയാറായില്ലെങ്കില് കെപിസിസി നിയമനടപടി സ്വീകരിക്കും. അഴിമതിക്കാരനായ മുഖ്യമന്ത്രിയായി തുടരാന് പിണറായിക്ക് അവകാശമില്ല. ആത്മാഭിമാനം ഉണ്ടെങ്കിൽ
മുഖ്യമന്ത്രി രാജിവച്ച് പുറത്ത് പോകണമെന്നും സുധാകരന് പ്രതികരിച്ചു.