ഇടതുപക്ഷ രാഷ്ട്രീയം പറഞ്ഞ് വയനാട്ടില് വോട്ട് നേടും: ആനി രാജ
Tuesday, February 27, 2024 9:48 AM IST
ന്യൂഡല്ഹി: വയനാട്ടില് രാഹുല് ഗാന്ധി യുഡിഎഫ് സ്ഥാനാര്ഥിയായാലും ഇടതുപക്ഷ രാഷ്ട്രീയം പറഞ്ഞ് താന് വോട്ട് നേടുമെന്ന് എല്ഡിഎഫ് സ്ഥാനാര്ഥി ആനി രാജ. താന് രാഷ്ട്രീയ ബാലപാഠം പഠിച്ചത് വയനാട്ടില്നിന്നാണെന്നും ആനി രാജ പ്രതികരിച്ചു.
വയനാട്ടിലെ വന്യജീവി ആക്രമണങ്ങളുടെ ഇര കൂടി ആണ് താന്. വന്യജീവി ആക്രമണവുമായി ബന്ധപ്പെട്ട പ്രശ്നങ്ങള് ഗവേഷണം നടത്തി പഠിക്കേണ്ട അവസ്ഥ തനിക്കില്ല.
ജനപ്രതിനിധി എന്നാല് പൂര്ണമായും ജനങ്ങളോട് ചേര്ന്ന് പ്രവര്ത്തിക്കേണ്ട ആളാണ്. ഇടത് രാഷ്ട്രീയം പറഞ്ഞ് ജനങ്ങളെ ഒപ്പം നിര്ത്തുകയാണ് തന്റെ ഉത്തരവാദിത്വം.
ഏതെങ്കിലും വ്യക്തിയുടെ വിജയമല്ല ഉദ്ദ്യേശിക്കുന്നത്. ഇന്നത്തെ സാഹചര്യത്തില് ഇടതുപക്ഷ, ജനപക്ഷ രാഷ്ട്രീയം ജയിക്കേണ്ടത് അത്യാവശ്യമാണെന്നും ആനി രാജ കൂട്ടിച്ചേര്ത്തു.