പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടുപോയ കേസിൽ പഞ്ചായത്തംഗം അറസ്റ്റില്
Tuesday, February 27, 2024 2:59 AM IST
കൊല്ലം: പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടുപോയ കേസില് പഞ്ചായത്ത് അംഗം അറസ്റ്റില്. കൊറ്റങ്കര ഗ്രാമപഞ്ചായത്ത് അംഗം ടി.എസ്. മണിവര്ണ്ണനാണ് പിടിയിലായത്.
കൊറ്റങ്കര പഞ്ചായത്ത് 21-ാം വാര്ഡിലെ സ്വതന്ത്ര അംഗമാണ് ഇയാള്. വിദ്യാര്ഥിനിയുടെ മാതാവിന്റെ പരാതിയെ തുടര്ന്നായിരുന്നു അറസ്റ്റ്.
ഫെബ്രുവരി 24-ന് വൈകുന്നേരം നാലരയോടെ കുട്ടിയെ വീട്ടില്നിന്നു കാണാതായിരുന്നു. മണിവര്ണന് തന്നെ ബലമായി പിടിച്ചുകൊണ്ടുപോയെന്ന് പോലീസിന് പെണ്കുട്ടി മൊഴിനല്കി. കുടുംബാംഗങ്ങള് നടത്തിയ അന്വേഷണത്തില് മണിവര്ണന് കാറില് കയറ്റിക്കൊണ്ട് പോയതായി അറിഞ്ഞിരുന്നു.
ഇതേതുടര്ന്നാണ് കുടുംബം പോലീസില് പരാതി നല്കിയത്. കോടതിയില് ഹാജരാക്കിയ മണിവര്ണനെ ജാമ്യത്തില് വിട്ടു. സ്കൂളിലെ നാടക അധ്യാപകനായിരുന്നു മണിവര്ണന്.