രാജ്യസഭാ തെരഞ്ഞെടുപ്പ് ; കോൺഗ്രസ് എംഎൽഎമാരെ ഹോട്ടലിലേക്ക് മാറ്റി
Monday, February 26, 2024 9:40 PM IST
ബംഗളൂരു: രാജ്യസഭാ തെരഞ്ഞെടുപ്പ് നടക്കാനിരിക്കേ കർണാടകയിലെ കോൺഗ്രസ് എംഎൽഎമാരെ ഹോട്ടലിലേക്ക് മാറ്റി. നാളത്തെ തെരഞ്ഞെടുപ്പിനായി എല്ലാ എംഎൽഎമാർക്കും പാർട്ടി വിപ്പ് നൽകി.
നാല് രാജ്യസഭാ സീറ്റുകളിലേക്ക് അഞ്ച് സ്ഥാനാർഥികൾ മത്സരരംഗത്തുണ്ട്. കോൺഗ്രസിന്റെ മൂന്ന് സ്ഥാനാർഥികളും ജെഡിഎസിന്റെയും ബിജെപിയുടെയും ഓരോ സ്ഥാനാർഥികളും മത്സരരംഗത്തുണ്ട്.
45 വോട്ടുകളാണ് ഓരോ സ്ഥാനാർഥികൾക്കും വിജയിക്കാൻ വേണ്ടത്. സുർപൂരിലെ കോൺഗ്രസ് എംഎൽഎ രാജ വെങ്കട്ടപ്പ നായിക് കഴിഞ്ഞ ദിവസം അന്തരിച്ചിരുന്നു. ഇതോടെ നിയമസഭയിൽ കോൺഗ്രസിന്റെ അംഗബലം 134 ആയി.
പ്രതിപക്ഷത്തെ നാല് എംഎൽമാർ തങ്ങളെ പിന്തുണയ്ക്കുമെന്ന് കോൺഗ്രസ് നേതൃത്വം അവകാശപ്പെട്ടു.