കാസര്ഗോട്ട് പുഴയില് ചാടിയ ആളെ രക്ഷപെടുത്തി
Monday, February 26, 2024 9:56 AM IST
കാസര്ഗോഡ്: കരുവന്നൂര് പുഴയില് ചാടി ജീവനൊടുക്കാന് ശ്രമിച്ച ആളെ രക്ഷപെടുത്തി. ഇരിങ്ങാലക്കുട സ്വദേശിയായ രാജേഷ്(51) ആണ് രാവിലെ പുഴയില് ചാടിയത്.
കുടുംബവഴക്കിനെ തുടര്ന്നാണ് ആത്മഹത്യയ്ക്ക് ശ്രമിച്ചതെന്നാണ് വിവരം. ഇരുചക്രവാഹനത്തില് പാലത്തിന് സമീപം എത്തിയ ശേഷം പുഴയിലേക്ക് ചാടുകയായിരുന്നു. പിന്നീട് പാലത്തിന്റെ പില്ലറില് ഇയാള്ക്ക് പിടുത്തം കിട്ടി.
ഇത് ശ്രദ്ധയില്പ്പെട്ട നാട്ടുകാര് സമീപവാസിയായ റഷീദിന്റെ ബോട്ടില് ഇയാളെ കരയ്ക്കെത്തിക്കുകയായിരുന്നു. ഇയാളെ പിന്നീട് ആശുപത്രിയിലേക്ക് മാറ്റി.
കരുവന്നൂര് പാലവും പുഴയും ആത്മഹത്യാമുനമ്പായി മാറുന്നെന്ന് നാട്ടുകാര് ആരോപണം ഉന്നയിച്ചിരുന്നു. ഇവിടെ രക്ഷാപ്രവര്ത്തനത്തിന് വേണ്ട സംവിധാനങ്ങള് ഒരുക്കണമെന്നും നാട്ടുകാര് ആവശ്യപ്പെട്ടു.