കണ്ണൂരില് ജയില്ചാടിയ പ്രതി പിടിയില്; അറസ്റ്റിലായത് മധുരയില്നിന്ന്
Friday, February 23, 2024 12:21 PM IST
കണ്ണൂര്: ജയില് ചാടിയ മയക്കുമരുന്ന് കേസിലെ പ്രതി പിടിയില്. കണ്ണൂര് സെൻട്രൽ ജയിലില്നിന്ന് ചാടിയ ഹര്ഷാദ് ആണ് പിടിയിലായത്. മധുരയിലെ ശിവഗംഗയില്നിന്നാണ് ഇയാളെ അറസ്റ്റ് ചെയ്തത്.
ഒരു മാസം മുമ്പാണ് ഇയാള് തന്ത്രപരമായി രക്ഷപെട്ടത്. പത്രക്കെട്ട് എടുക്കാന് ജയിലിന് പുറത്തേക്ക് വന്ന ഇയാള് കൂട്ടാളിയുടെ ബൈക്കില് രക്ഷപെടുകയായിരുന്നു.
തുടര്ന്ന് കഴിഞ്ഞയാഴ്ച ഇയാളുടെ സുഹൃത്ത് റിസ്വാനെ ബംഗളൂരുവില്നിന്ന് കണ്ടെത്തിയിരുന്നു. ഇതിന് പിന്നാലെ പോലീസ് നടത്തിയെ അന്വേഷണത്തിലാണ് ഇയാളെ മധുരയില്നിന്ന് കണ്ടെത്തിയത്. ലഹരിക്കേസില് 10 വര്ഷത്തെ തടവ് ശിക്ഷയ്ക്ക് വിധിക്കപ്പെട്ട ആളാണ് ഹര്ഷാദ്.