ജോലി വാഗ്ദാനം ചെയ്ത് തട്ടിപ്പ് : മൂന്നു പേർ അറസ്റ്റിൽ
Thursday, February 22, 2024 11:35 PM IST
കൊല്ലം: ആരോഗ്യവകുപ്പിൽ ജോലി വാഗ്ദാനം ചെയ്ത് ലക്ഷങ്ങൾ തട്ടിയ കേസിൽ മൂന്നു പേർ അറസ്റ്റിൽ.
കൊല്ലം വെള്ളിമൺ സ്വദേശി വിനോദ്, നൂറനാട് സ്വദേശി മുരുകദാസ്, ഇയാളുടെ സഹോദരൻ അയ്യപ്പദാസ് എന്നിവരെയാണ് അടൂർ പോലീസ് അറസ്റ്റ് ചെയ്തത്.
ആരോഗ്യവകുപ്പിൽ ജോലി വാഗ്ദാനം ചെയ്ത് 90 ലക്ഷം രൂപയാണ് പ്രതികൾ തട്ടിയെടുത്തത്. വ്യാജ നിയമന ഉത്തരവും നൽകിയിരുന്നതായി പരാതിക്കാർ പറയുന്നു.
കഴിഞ്ഞ നിയമസഭാ തെരഞ്ഞെടുപ്പിൽ ആർജെഡി സ്ഥാനാർഥിയായി കുണ്ടറ മണ്ഡലത്തിൽ മത്സരിച്ച ആളാണ് പ്രതിയായ വിനോദ്.