തെലുങ്കാനയിൽ ഓടിക്കൊണ്ടിരുന്ന ബസിന് തീപിടിച്ച് സ്ത്രീ മരിച്ചു
Saturday, January 13, 2024 3:51 PM IST
ഹൈദരാബാദ്: തെലുങ്കാനയിൽ ഓടിക്കൊണ്ടിരുന്ന ബസിന് തീപിടിച്ചു. ബസിനുള്ളിലുണ്ടായിരുന്ന സ്ത്രീ വെന്തു മരിച്ചു. തെലുങ്കാനയിലെ ഗദ്വാൾ ജില്ലയിൽ ശനിയാഴ്ച രാവിലെയാണ് സംഭവം.
അടുത്ത സംസ്ഥാനമായ ആന്ധ്രാപ്രദേശിലെ ചിറ്റൂരിലേക്ക് പോയ്ക്കൊണ്ടിരുന്ന ബസിനാണ് തീപിടിച്ചത്. തീപിടിച്ച വാഹനത്തിൽനിന്ന് സ്ത്രീയ്ക്ക് പുറത്തുകടക്കാൻ സാധിക്കാതെവന്നതാണ് മരണത്തിനിടയാക്കിയത്. വാഹനത്തിൽ യാത്രക്കാർ കുറവായിരുന്നതിനാൽ വൻ ദുരന്തമാണ് ഒഴിവായതെന്ന് പോലീസ് പറഞ്ഞു.
തീപിടിത്തത്തിൽ മൂന്ന് യാത്രക്കാർക്കും പരിക്കുണ്ട്. ഇവരുടെ നില ഗുരുതരമല്ല. അപകടം നടക്കുന്പോൾ ഡ്രൈവർ അമിത വേഗതയിലായിരുന്നു. ഇയാൾ ഉറങ്ങിയതിനെതുടർന്ന് വാഹനത്തിന്റെ നിയന്ത്രണം നഷ്ടപ്പെട്ടതായി സംശയിക്കുന്നുവെന്നും പോലീസ് അറിയിച്ചു.