വൈറ്റ് ഹൗസ് ഗേറ്റിലേക്ക് കാർ ഇടിച്ചു കയറി; ഡ്രൈവർ അറസ്റ്റിൽ
Tuesday, January 9, 2024 3:16 PM IST
വാഷിംഗ്ടൺ ഡിസി: അമേരിക്കന് പ്രസിഡന്റിന്റെ വസതിയായ വൈറ്റ് ഹൗസിനു പുറത്തെ ഗേറ്റിലേക്ക് കാർ ഇടിച്ചു കയറി. അപകടത്തെ തുടര്ന്ന് ഡ്രൈവറെ കസ്റ്റഡിയിലെടുത്തതായി രഹസ്യാന്വേഷണ വിഭാഗം മേധാവി അറിയിച്ചു.
ഇത് അപകടമാണോ ആക്രമണമാണോ എന്നത് സുരക്ഷാ ഉദ്യോഗസ്ഥര് വ്യക്തമാക്കിയിട്ടില്ല. വാഹനം സുരക്ഷാ ഉദ്യോഗസ്ഥര് കസ്റ്റഡിയിലെടുത്തിട്ടുണ്ട്. സംഭവത്തില് അന്വേഷണം പുരോഗമിക്കുകയാണെന്ന് ഉദ്യോഗസ്ഥര് അറിയിച്ചു.
തിങ്കളാഴ്ച പ്രാദേശിക സമയം വൈകുന്നേരം ആറോടെയായിരുന്നു സംഭവം. അപകടം നടക്കുമ്പോൾ പ്രസിഡന്റ് ജോ ബൈഡന് വൈറ്റ് ഹൗസില് ഉണ്ടായിരുന്നില്ല.