തെലുങ്കാനയിൽ വാഹനാപകടം; നാലുപേർ മരിച്ചു
Friday, December 22, 2023 1:58 PM IST
ഹൈദരാബാദ്: തെലുങ്കാനയിൽ കാറും ലോറിയും കൂട്ടിയിടിച്ച് നാലുപേർ മരിച്ചു. മൂന്നുപേർക്ക് പരിക്ക്.
വെള്ളിയാഴ്ച പുലർച്ചെ ഹനംകൊണ്ട ജില്ലയിലെ എൽകതുർത്തിയിലാണ് സംഭവം. എതൂർനഗരം സ്വദേശികളായ രണ്ടു കുടുംബങ്ങളിൽപ്പെട്ട ഏഴുപേരാണ് വാഹനത്തിലുണ്ടായിരുന്നത്.
എതിർ ദിശയിൽ വന്ന ലോറി കാറുമായി കൂട്ടിയിടിക്കുകയായിരുന്നു. കാറിലുണ്ടായിരുന്ന നാലുപേർ സംഭവ സ്ഥലത്തുതന്നെ മരിച്ചു. മൂന്നുപേരെ ഗുരുതര പരിക്കുകളോടെ അടുത്തുള്ള സർക്കാർ ആശുപത്രിയിൽ പ്രവേശിപ്പിച്ചു.