ക്വാറി-ബാര് ലോബിയുമായി ബന്ധം; എസ്ഐയ്ക്ക് സസ്പെന്ഷന്
Saturday, December 9, 2023 12:48 PM IST
പത്തനംതിട്ട: ക്വാറി-ബാര് ലോബിയുമായി ബന്ധമുണ്ടെന്ന് കണ്ടെത്തിയതിനേ തുടര്ന്ന് എസ്ഐയ്ക്ക് സസ്പെന്ഷന്. കോന്നി സ്റ്റേഷനിലെ എസ്ഐ സി.ബിനുവിനെയാണ് സസ്പെന്ഡ് ചെയ്തത്.
അനധികൃതമായ പണമിടപാടുകള് നടത്തിയെന്ന വിജിലന്സ് റിപ്പോര്ട്ടിന്റെ അടിസ്ഥാനത്തിലാണ് ആഭ്യന്തരവകുപ്പ് എസ്ഐക്കെതിരേ നടപടി സ്വീകരിച്ചത്. വിജിലന്സ് നടത്തിയ രഹസ്യ അന്വേഷണത്തിലാണ് ക്രമക്കേടുകള് കണ്ടെത്തിയത്.
ബിനുവിനെതിരേ വകുപ്പുതല അന്വേഷണം നടത്താനും ഡിജിപിക്ക് ആഭ്യന്തരസെക്രട്ടറി നിര്ദേശം നല്കിയിട്ടുണ്ട്.