നവകേരള ബസിന്റെ പൈലറ്റ് വാഹനമിടിച്ച് ബൈക്ക് യാത്രികന് പരിക്ക്
Monday, December 4, 2023 5:29 PM IST
തൃശൂർ: നവകേരള ബസിന് പൈലറ്റ് പോയ വാഹനമിടിച്ച് ബൈക്ക് യാത്രികന് പരിക്ക്. തൃശൂർ ചേലക്കരയിലാണ് സംഭവം.
ചെറുതുരുത്തി അത്തിക്ക പറമ്പ് സ്വദേശി അബ്ദുൽ റഷീദിനാണ് പരിക്കേറ്റത്. നവ കേരള സദസ് കഴിഞ്ഞ് മുഖ്യമന്ത്രിയും മന്ത്രിമാരും സഞ്ചരിച്ച നവകേരള ബസിന് പൈലറ്റ് പോയ വാഹനം റഷീദിന്റെ ബൈക്കിൽ ഇടിക്കുകയായിരുന്നു.
പരിക്കേറ്റ യുവാവിനെ ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമല്ല.