മിസോറമില് സെഡ്പിഎമ്മിന് ലീഡ്
Monday, December 4, 2023 8:45 AM IST
ഐസ്വാള്: മിസോറം നിയമസഭ തെരഞ്ഞെടുപ്പിന്റെ ഫലം പുറത്തുവരുന്പോൾ ഏഴ് സീറ്റുകളിൽ സോറം പീപ്പിള്സ് മൂവ്മെന്റ്(സെഡ്പിഎം) മുന്നിൽ. മിസോറാം നാഷണല് ഫ്രണ്ട്(എംഎന്എഫ്)-4, കോൺഗ്രസ്-1, ബിജെപി-1 എന്നിങ്ങനെയാണ് ലീഡ് നില.
ആകെ 40 നിയമസഭാ മണ്ഡലങ്ങള് ആണ് മിസോറമിലുള്ളത്. 21 സീറ്റുകള് ആണ് കേവല ഭൂരിപക്ഷത്തിന് വേണ്ടത്.
ഭരണകക്ഷിയായ മിസോറം നാഷണല് ഫ്രണ്ടും സോറം പീപ്പിള്സ് മൂവ്മെന്റും തമ്മിലാണ് പ്രധാനമത്സരം. കോണ്ഗ്രസും ബിജെപിയും മത്സരരംഗത്തുണ്ട്. സോറം തംഗ മുഖ്യമന്ത്രിയായ എംഎന്എഫിനെതിരേ ഭരണവിരുദ്ധവികാരം ഉണ്ടാകുമെന്നാണ് വിദഗ്ധര് വിലയിരുത്തുന്നത്.
എന്നാല് ആര്ക്കും കേവല ഭൂരിപക്ഷം ലഭിക്കാനിടയില്ല എന്നായിരുന്നു എക്സിറ്റ് പോള് ഫലങ്ങള്.