കുട്ടിയെ തട്ടിക്കൊണ്ടുപോയ സംഭവം; പഴുതടച്ചുള്ള അന്വേഷണം വേണമെന്ന് ചെന്നിത്തല
Tuesday, November 28, 2023 12:55 PM IST
കൊല്ലം: ഓയൂരില് ആറ് വയസുകാരി അബിഗേല് സാറാ റെജിയെ തട്ടിക്കൊണ്ടുപോയ സംഭവം വളരെ വേദനാജനകമെന്ന് കോണ്ഗ്രസ് നേതാവ് രമേശ് ചെന്നിത്തല. നമ്മുടെ നാട്ടില് ഇത്തരം സംഭവങ്ങള് ഉണ്ടാകാന് പാടില്ലെന്നും ചെന്നിത്തല പറഞ്ഞു.
കുട്ടിയുടെ വീട്ടില് സന്ദര്ശനം നടത്തിയ ശേഷം മാധ്യമങ്ങളോട് പ്രതികരിക്കുകയായിരുന്നു ചെന്നിത്തല. അന്വേഷണം ഊര്ജിതമാക്കി കുട്ടിയെ കണ്ടെത്തുക എന്നതിനാണ് ഇപ്പോള് പ്രാധാന്യം. കുട്ടിയുടെ അമ്മയോടും സഹോദരനോടും താന് സംസാരിച്ചു.
സംഭവത്തില് പഴുതടച്ച അന്വേഷണം വേണമെന്നും ചെന്നിത്തല ആവശ്യപ്പെട്ടു.