വൈ​ക്കം: ക​ള്ളു​ഷാ​പ്പി​നു മു​ന്നി​ൽ മ​ധ്യ​വ​യ​സ്ക​ൻ കു​ത്തേ​റ്റ് മ​രി​ച്ച കേ​സി​ൽ പ്ര​തി പി​ടി​യി​ൽ. വൈ​ക്കം ക​ല്ല​റ മു​ണ്ടാ​ർ സ്വ​ദേ​ശി സ​ജീ​വ​ൻ (47) ആ​ണ് പി​ടി​യി​ലാ​യ​ത്.

കൊ​ല്ലം പു​ന​ലൂ​ർ ക​ര​വാ​ളൂ​ർ ബി​ജു ഭ​വ​നി​ൽ ബി​ജു ഉ​മ്മ​ൻ ജോ​ർ​ജ് (48) ആ​ണ് വൈ​ക്കം വ​ലി​യ​ക​വ​ല പെ​രി​ഞ്ചി​ല ഷാ​പ്പി​ന് മു​ന്നി​ൽ വ​ച്ച് കു​ത്തേ​റ്റ് മ​രി​ച്ച​ത്. ഇ​ന്ന് രാ​വി​ലെ ആ​യി​രു​ന്നു സം​ഭ​വം.

രാ​വി​ലെ 8.30നു ​ബി​ജു ഷാ​പ്പി​ലേ​ക്ക് എ​ത്തു​ന്ന​തും 10 മി​നി​റ്റു​ക​ൾ​ക്കു​ള്ളി​ൽ ത​ന്നെ കു​ത്തേ​റ്റ് ഷാ​പ്പി​ന് വെ​ളി​യി​ലേ​ക്ക് ന​ട​ന്നെ​ത്തി വീ​ഴു​ന്ന​തും സ​മീ​പ​ത്തെ സി​സി​ടി​വി ദൃ​ശ്യ​ങ്ങ​ളി​ൽ പ​തി​ഞ്ഞി​രു​ന്നു. വൈ​ക്കം പോ​ലീ​സി​ന്‍റെ​യും വി​ദ​ഗ്ധ​രു​ടെ​യും നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ വ​യ​റി​ൽ കു​ത്തേ​റ്റാ​ണ് മ​ര​ണ​മെ​ന്ന് സ്ഥി​രീ​ക​രി​ച്ചു.

വൈ​ക്കം കോ​ലോ​ത്തും​ക​ട​വ് മ​ത്സ്യ മാ​ർ​ക്ക​റ്റി​ലെ ഐ​സ് പ്ലാ​ന്‍റ് തൊ​ഴി​ലാ​ളി​യാ​യി​രു​ന്നു ബി​ജു. ജോലി ചെയ്തിരുന്ന സ്ഥാ​പ​ന​ത്തി​ൽ മോ​ഷ​ണം ന​ട​ത്തി​യ​തി​നെ തു​ട​ർ​ന്ന് ഇ​യാ​ളെ പു​റ​ത്താ​ക്കി​യി​രു​ന്നു. പി​ന്നീ​ട് പ​ല സ്ഥ​ല​ങ്ങ​ളി​ലാ​യി ജോലി ചെയ്തു വ​രി​ക​യാ​യി​രു​ന്നു.

ഒ​രു മാ​സം മു​മ്പ് സ​ജീ​വും ബി​ജു ജോ​ർ​ജും ഒ​രു​മി​ച്ചി​രു​ന്ന് മ​ദ്യ​പി​ച്ചി​രു​ന്നു. മ​ദ്യ​പി​ച്ചു​ല​ക്കു​കെ​ട്ട സ​ജീ​വി​ന്‍റെ മൊ​ബൈ​ൽ ഫോ​ണും പേ​ഴ്സും ബി​ജു മോ​ഷ്ടി​ച്ചു​വെ​ന്ന് ആ​രോ​പി​ച്ച് ഇ​വ​ർ ത​മ്മി​ൽ ത​ർ​ക്കം ഉ​ണ്ടാ​കു​ക​യും ചെ​യ്തി​രു​ന്നു.

പി​ന്നീ​ട് ബി​ജു ഒ​രു മൊ​ബൈ​ൽ ഫോ​ൺ വ​ലി​യ ക​വ​ല​യ്ക്കു സ​മീ​പ​ത്തെ ബാ​റി​ൽ വി​ൽ​ക്കാ​ൻ ശ്ര​മി​ച്ചെ​ന്നും ഇ​ക്കാ​ര്യം അ​റി​ഞ്ഞ​തി​നെ തു​ട​ർ​ന്ന് ഇ​വ​ർ ത​മ്മി​ൽ കാ​ണു​മ്പോ​ഴൊ​ക്കെ ക​ല​ഹി​ച്ചി​രു​ന്നു. ഇ​ന്ന് രാ​വി​ലെ പെ​രി​ഞ്ചി​ല ക​ള്ളു ഷാ​പ്പി​ലെ​ത്തി മ​ദ്യ​പി​ക്കു​ന്ന​തി​നി​ട​യി​ൽ ത​മ്മി​ൽ ക​ണ്ട​പ്പോ​ഴു​ണ്ടാ​യ ത​ർ​ക്കം ക​ത്തി​ക്കു​ത്തി​ൽ ക​ലാ​ശി​ക്കു​ക​യാ​യി​രു​ന്നു.

കേ​സി​ൽ ഷാ​പ്പി​ലെ തൊ​ഴി​ലാ​ളി​ക​ളെ​യും പോ​ലീ​സ് വി​ശ​ദ​മാ​യി ചോ​ദ്യം ചെ​യ്തു വ​രി​ക​യാ​ണ്. ല​ഭി​ച്ച മൊ​ഴി​ക​ളു​ടെ അ​ടി​സ്ഥാ​ന​ത്തി​ൽ കു​ത്തി​യ ആ​ളെ പോ​ലീ​സ് തി​രി​ച്ച​റി​യു​ക​യാ​യി​രു​ന്നു. ചോ​ദ്യം ചെ​യ്യ​ലി​ൽ പ്ര​തി കു​റ്റം സ​മ്മ​തി​ച്ചു. ഫോ​റ​ൻ​സി​ക് സം​ഘ​വും വി​ര​ല​ട​യാ​ള വി​ദ​ഗ്ധ​രും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.