വൈ​ക്കം: ക​രി​യാ​റി​ൽ വ​ള്ളം മു​ങ്ങി മ​രി​ച്ച ചെ​ട്ടി​മം​ഗ​ലം സ്വ​ദേ​ശി ശ​ര​ത്തി​നും (33) സ​ഹോ​ദ​രീ​പു​ത്ര​ൻ ഇ​വാ​നും (4) ജ​ന്മ​നാ​ട് ക​ണ്ണീ​രോ​ടെ യാ​ത്രാ​മൊ​ഴി​യേ​കി. കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ നി​ന്ന് ഉ​ച്ച​യ്ക്ക് 12.15 ഓ​ടെ​യാ​ണ് മൃ​ത​ദേ​ഹ​ങ്ങ​ൾ വൈ​ക്കം ചെ​ട്ടി​മം​ഗ​ല​ത്തെ വീ​ട്ടി​ൽ എ​ത്തി​ച്ച​ത്.

വീ​ട്ടു​മു​റ്റ​ത്ത് ഓ​ടി ക​ളി​ച്ചി​രു​ന്ന കു​ഞ്ഞി​ന്‍റെ​യും അ​മ്മാ​വ​ന്‍റെ​യും ചേ​ത​ന​യ​റ്റ ശ​രീ​ര​ങ്ങ​ൾ പൊ​തു​ദ​ർ​ശ​ന​ത്തി​ന് വ​ച്ച​പ്പോ​ൾ ബ​ന്ധു​ക്ക​ൾ​ക്കും നാ​ട്ടു​കാ​ർ​ക്കും സ​ങ്ക​ടം സ​ഹി​ക്കാ​ൻ ക​ഴി​ഞ്ഞി​ല്ല. വ​ൻ ജ​നാ​വ​ലി​യാ​ണ് ഇ​രു​വ​ർ​ക്കും അ​ന്തി​മോ​പ​ചാ​രം അ​ർ​പ്പി​ക്കാ​ൻ എ​ത്തി​യ​ത്.

വീ​ട്ടു​വ​ള​പ്പി​ൽ ശ​ര​ത്തി​നാ​യി ചി​ത​യൊ​രു​ക്കി​യ​തി​ന്‍റെ സ​മീ​പ​ത്ത് ത​ന്നെ കു​ട്ടി​യെ​യും സം​സ്ക​രി​ച്ചു. ഉ​ച്ച​യ്ക്ക് 2.30ന് ​ന​ട​ന്ന സം​സ്കാ​ര ച​ട​ങ്ങി​ൽ നൂ​റു​ക​ണ​ക്കി​ന് ആ​ളു​ക​ൾ പ​ങ്കെ​ടു​ത്തു.

ബു​ധ​നാ​ഴ്ച വൈ​കു​ന്നേ​രം അ​ഞ്ചോ​ടെ ത​ല​യാ​ഴം പ​ഞ്ചാ​യ​ത്ത് മൂ​ന്നാം വാ​ർ​ഡ് ചെ​ട്ടി​ക്ക​രി​ക്കു സ​മീ​പം ക​ര​യാ​റി​ന്‍റെ ന​ടു​ഭാ​ഗ​ത്താ​ണ് വ​ള്ളം മ​റി​ഞ്ഞ​ത്. എ​ൻ​ജി​ൻ ഘ​ടി​പ്പി​ച്ച ചെ​റു​വ​ള്ള​ത്തി​ൽ കൊ​ടി​യാ​ട് ഭാ​ഗ​ത്തു​നി​ന്ന് ചെ​ട്ടി​ക്ക​രി​യി​ലേ​ക്ക് വ​രു​മ്പോ​ഴാ​യി​രു​ന്നു അ​പ​ക​ടം.

ഒ​രു കു​ടും​ബ​ത്തി​ലെ ആ​റ് പേ​രാ​ണ് വ​ള്ള​ത്തി​ലു​ണ്ടാ​യി​രു​ന്ന​ത്. ര​ണ്ടു സ്ത്രീ​ക​ളെ​യും എ​ട്ടു വ​യ​സു​കാ​രി​യെ​യും നാ​ട്ടു​കാ​ർ ര​ക്ഷ​പ്പെ​ടു​ത്തി. വ​ള്ളം തു​ഴ​ഞ്ഞ ശ​ശി പ​രി​ക്കി​ല്ലാ​തെ ര​ക്ഷ​പ്പെ​ട്ടു.