പ്രകടനം പോരാ; പരിശീലകനെ പുറത്താക്കി ഗോകുലം
Tuesday, December 27, 2022 1:33 AM IST
തിരുവനന്തപുരം: ഐ ലീഗ് ഫുട്ബോൾ ചാമ്പ്യൻമാരായ ഗോകുലം കേരള എഫ്സിയുടെ പരിശീലക സ്ഥാനത്ത് നിന്ന് റിച്ചാർഡ് ടോവയെ പുറത്താക്കി. സീസണിലെ മോശം പ്രകടനത്തെ തുടർന്നാണ് നടപടി.
കഴിഞ്ഞ രണ്ട് സീസണിലും ചാമ്പ്യൻമാരായ ഗോകുലം നിലവിൽ പോയിന്റ് പട്ടികയിൽ നാലാമതാണ്. ഒൻപത് മത്സരങ്ങളിൽ നിന്ന് നാല് ജയം മാത്രമാണ് ടോവയുടെ കീഴിൽ ടീമിന് നേടാനായത്.
ഈ സീസണിന് മുന്നോടിയായാണ് കാമറൂൺ മുൻ ദേശീയ താരമായ ടോവയെ പരിശീലകനായി ക്ലബ്ബ് നിയമിച്ചത്.