അർജുന്റെ കുടുംബത്തിനെതിരായ സൈബർ ആക്രമണം; പോലീസ് കേസെടുത്തു
Friday, July 26, 2024 11:03 PM IST
കോഴിക്കോട്: മണ്ണിടിച്ചിലിൽ കാണാതായ അർജുന്റെ കുടുംബത്തിനെതിരായ സൈബർ ആക്രമണത്തിൽ പോലീസ് കേസെടുത്തു.
അർജുന്റെ കുടുബം നൽകിയ പരാതിയിൽ കോഴിക്കോട് സൈബർ പോലീസാണ് കേസ് രജിസ്റ്റർ ചെയ്തത്. അർജുന്റെ അമ്മയുടെ പ്രതികരണം എഡിറ്റ് ചെയ്തു പ്രചരിപ്പിച്ച സംഭവത്തിലാണ് നടപടി.
പരാതിക്കാരുടെ വിശദ മൊഴി പോലീസ് വെള്ളിയാഴ്ച രേഖപ്പെടുത്തിയിരുന്നു. വിശദമായ അന്വേഷണം ആരംഭിച്ചെന്നും പ്രതികളെ ഉടൻ അറസ്റ്റ് ചെയ്യുമെന്നും പോലീസ് പറഞ്ഞു.