മർദനമേറ്റ് കിടപ്പുരോഗിയായ അച്ഛൻ മരിച്ചു; മകൻ അറസ്റ്റിൽ
Friday, July 26, 2024 7:25 PM IST
കൊല്ലം: കിടപ്പുരോഗിയായ പിതാവിനെ മർദിച്ചു കൊലപ്പെടുത്തിയ കേസിൽ മകനെ പോലീസ് അറസ്റ്റ് ചെയ്തു. കൊല്ലം പരവൂരിലുണ്ടായ സംഭവത്തിൽ പൂതക്കുളം പുന്നേക്കുളം സ്വദേശി ശശിയാണ് മരിച്ചത്.
മകൻ ശരത്തിനെ പരവൂർ പോലീസ് അറസ്റ്റ് ചെയ്തു. ബന്ധുക്കളുടെ മൊഴിയുടെ അടിസ്ഥാനത്തിലാണ് പ്രതിയെ അറസ്റ്റ് ചെയ്തത്. ബുധനാഴ്ച രാത്രി മദ്യലഹരിയിൽ വീട്ടിലെത്തിയ ശരത്ത് ശശിയെ ക്രൂരമായി മർദിക്കുകയായിരുന്നു.
തുടർന്ന് ശശിയെ പാരിപ്പള്ളി മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരുന്നു. ചികിത്സയിലിരിക്കെ വെള്ളിയാഴ്ച പുലർച്ചെ മരണം സംഭവിക്കുകയായിരുന്നു.