ആദ്യ അഞ്ച് ഓവറിനുള്ളിൽ മൂന്നു വിക്കറ്റുകൾ നഷ്ടമായി ബാറ്റിംഗ് താളം കണ്ടെത്താൻ പാടുപെട്ട തൃശൂരിനെ ഭേദപ്പെട്ട സ്കോറിലെത്താൻ സാധിച്ചത് അക്ഷയ് മനോഹറിന്റെ പ്രകടനമാണ്. 44 പന്ത് നേരിട്ട അക്ഷയ് അഞ്ചു സിക്സും ഒരു ബൗണ്ടറിയും ഉൾപ്പെടെ 57 റണ്‍സ് സ്വന്തമാക്കി. അഹമ്മദ് ഇമ്രാൻ (23), അർജുൻവേണുഗോപാൽ (20) എന്നിവരുടെ പിന്തുണയോടെ തൃശൂർ 20 ഓവറിൽ എട്ടു വിക്കറ്റ് നഷ്ടത്തിൽ 161 റണ്‍സ് നേടി. ആലപ്പി റിപ്പിൽസിനു വേണ്ടി ആനന്ദ് ജോസഫ് മൂന്നും ഫാസിൽ ഫനൂസ് രണ്ടും വിക്കറ്റ് വീതം നേടി
അസ്ഹർ, വിനൂപ് ആലപ്പുഴയുടെ തുടക്കം ശുഭകരമായിരുന്നില്ല. ആദ്യ ഓവറിൽ തന്നെ ഓപ്പണർ കൃഷ്ണപ്രസാദിന്‍റെ വിക്കറ്റ് നഷ്ടമായി. സ്കോർബോർഡ് 21ൽ എത്തിയപ്പോൾ അക്ഷയുടെ (3) വിക്കറ്റും നഷ്മായി.
എന്നാൽ, തുടർന്നെത്തിയ വിനൂപ് മനോഹരനുമായി ചേർന്ന് ക്യാപ്റ്റൻ മുഹമ്മദ് അസ്ഹറുദീൻ മിന്നും ബാറ്റിംഗ് കാഴ്ച്ചവച്ചപ്പോൾ ആലപ്പുഴയുടെ സ്കോർ അതിവേഗം മുന്നേറി. 27 പന്തിൽ രണ്ട് സിക്സും രണ്ടു ഫോറും ഉൾപ്പെടെ 30 റണ്‍സ് എടുത്തശേഷമാണ് വിനൂപ് മടങ്ങിയത്. അസ്ഹറുദീനെ അഭിനവ് പിടിച്ചു പുറത്താക്കി. തുടർന്ന് ടി.കെ അക്ഷയ് (18), നീൽ സണ്ണി (1) എന്നിവർ പുറത്താകാതെ ആലപ്പുഴയെ ജയത്തിലെത്തിച്ചു.