ഇംഗ്ലണ്ടിനുശേഷം മെക്സിക്കോ, ഐവറി കോസ്റ്റ്, ഫിലിപ്പീൻസ് ടീമുകളെയും എറിക്സണ്‍ രാജ്യാന്തര തലത്തിൽ പരിശീലിപ്പിച്ചു. ഡിഗെർഫോർസ് ഐഎഫിലൂടെ 1977ലാണ് എറിക്സണ്‍ പരിശീലന കരിയർ ആരംഭിച്ചത്.
തുടർന്ന് ബെൻഫിക, എഎസ് റോമ, ഫിയോറെന്റീന, ലാസിയൊ, സാംപ്ഡോറിയ, മാഞ്ചസ്റ്റർ സിറ്റി, ലെസ്റ്റർ സിറ്റി തുടങ്ങിയ ക്ലബ്ബുകളെ പരിശീലിപ്പിച്ചു. 10 രാജ്യങ്ങളിൽ ക്ലബ് തലത്തിൽ എറിക്സണ്‍ മാനേജരായിട്ടുണ്ട്.
1982ൽ ഐഎഫ്കെ ഗോഥെൻബർഗിനെ യുവേഫ കപ്പിൽ എത്തിച്ചതോടെയാണ് എറിക്സണ്‍ ലോകത്തിന്റെ ശ്രദ്ധ പിടിച്ചുപറ്റിയത്. യുവേഫ കപ്പ് സ്വന്തമാക്കുന്ന ആദ്യ സ്വീഡിഷ് ക്ലബ്ബായിരുന്നു ഐഎഫ്കെ ഗോഥെൻബർഗ്.
കളിക്കളത്തിൽ റൈറ്റ് ബാക്കായിരുന്ന എറിക്സണ്‍ ക്ലബ് തലത്തിൽ ആകെ 150 മത്സരങ്ങളിൽ ഇറങ്ങി. 28 ഗോൾ സ്വന്തമാക്കി.