പ്രധാന കളിക്കാരൊന്നുമില്ലാതെയാണു ഫ്ളിക്കിനു ടീമിനെ ഇറക്കേണ്ടിവന്നത്. മൂന്നു 17 വയസുകാരാണ് ആദ്യ പതിനൊന്നിൽ കളിച്ചത്. മാർക് ബെർനൽ, യമാൽ, പൗ കുബാർസി എന്നിവരാണു വലൻസിയയ്ക്കെതിരേ ആദ്യ പതിനൊന്നിൽ ഇടംപിടിച്ച പതിനേഴുകാർ.
ഇൽകി ഗുണ്ടോഗൻ, പെദ്രി, ഗാവി, റൊണാൾഡ് അരൂഹോ, ഫ്രാങ്കി ഡി ജോംഗ്, അൻസു ഫാറ്റി എന്നിവർ പരിക്കിനു പിടിയിലാണ്. ഫിനാൻഷൽ ഫെയർ പ്ലേ (എഫ്എഫ്പി) നിയമങ്ങൾ ബാഴ്സ ലംഘിച്ചതിനാൽ പുതിയതായി കരാറിലായ ഡാനി ഓൾമോയ്ക്ക് ഇതുവരെ ലാ ലിഗയിൽ രജിസ്ട്രേഷൻ നടത്താനുമായിട്ടില്ല.