മികവുറ്റ സീനിയർ താരങ്ങളുടെ സാന്നിധ്യം ടീമിലില്ലാത്തതു ബ്രസീലിന്റെ പ്രകടനത്തെ പിറകോട്ടടിച്ചു. കഴിഞ്ഞ പത്തുവർഷത്തിനിടയിലെ ബ്രസീലിന്റെ കണ്ടെത്തലായ നെയ്മറിന്റെ സേവനം സുപ്രധാന മത്സരങ്ങളിൽ ലഭിക്കാത്തതും തിരിച്ചടിയായി. നെയ്മർ കളിച്ചാലും പല മത്സരങ്ങളും പൂർത്തിയാക്കാതെ പരിക്കുമൂലം കളംവിടുകയായിരുന്നു. 2024 കോപ്പയിൽ നെയ്മറിന്റെ സേവനം ടീമിനു ലഭിച്ചില്ല. വിനീഷ്യസ് ജൂണിയറിലായിരുന്നു പ്രതീക്ഷ.
എന്നാൽ, രണ്ടു കളികളിൽ മഞ്ഞക്കാർഡ് കണ്ടതോടെ വിനീഷ്യസിനു ക്വാർട്ടറിൽ കളിക്കാൻ കഴിഞ്ഞില്ല. പുതിയ പരിശീലകൻ ഡോണിവൽ ജൂണിയറിന്റെ കീഴിൽ ബ്രസീൽ മോശം പ്രകടനമാണ് കാഴ്ചവയ്ക്കുന്നത്. ടീമിനെ സെറ്റാക്കാൻ അദ്ദേഹത്തിന് കഴിഞ്ഞില്ല. 2026 ലോകകപ്പ് യോഗ്യതയിൽ ആറു മത്സരങ്ങളിൽ രണ്ടു ജയം മാത്രവുമായി ആറാം സ്ഥാനത്താണ് ബ്രസീൽ എന്നതും ശ്രദ്ധേയം. ചുരുക്കത്തിൽ കാനറികൾ ഉണരാൻ സമയം അതിക്രമിച്ചു...