സ്റ്റ​ഡ്ഗ​ഡ്: യു​വേ​ഫ യൂ​റോ ക​പ്പ് ഫു​ട്ബോ​ളി​ൽ മു​ൻ ചാ​മ്പ്യ​ന്മാ​രാ​യ സ്പെ​യി​ൻ സെ​മി​യി​ൽ. ആ​തി​ഥേ​യ​രാ​യ ജ​ർ​മ​നി​യെ അ​ധി​ക സ​മ​യ​ത്തേ​ക്ക് നീ​ണ്ട ക്വാർട്ടർ പോ​രാ​ട്ട​ത്തി​ൽ 2-1നു ​ കീ​ഴ​ട​ക്കി​യാ​ണ് ലാ ​റോ​ഹ എ​ന്ന​റി​യ​പ്പെ​ടു​ന്ന സ്പെ​യി​ൻ സെ​മി​യി​ൽ ക​ട​ന്ന​ത്.

ഗോ​ൾ​ര​ഹി​ത​മാ​യ ആ​ദ്യ പ​കു​തി​ക്കു​ശേ​ഷം 51-ാം മി​നി​റ്റി​ൽ ഡാ​നി ഓ​ൾ​മോ​യി​ലൂ​ടെ സ്പെ​യി​ൻ 1-0ന്‍റെ ​ലീ​ഡ് സ്വ​ന്ത​മാ​ക്കി. ല​മെ​യ്ൻ യ​മാ​ലി​ന്‍റെ അ​സി​സ്റ്റി​ലാ​യി​രു​ന്നു ഓ​ൾ​മോ ജ​ർ​മ​ൻ വ​ല കു​ലു​ക്കി​യ​ത്. ഈ ​യൂ​റോ​യി​ൽ യ​മാ​ലി​ന്‍റെ മൂ​ന്നാം അ​സി​സ്റ്റ്. ഒ​രു യൂ​റോ ചാ​മ്പ്യ​ൻ​ഷി​പ്പി​ൽ ഏ​റ്റ​വും കൂ​ടു​ത​ൽ അ​സി​സ്റ്റ് ന​ട​ത്തു​ന്ന പ്രാ​യം കു​റ​ഞ്ഞ ക​ളി​ക്കാ​ര​ൻ എ​ന്ന റി​ക്കാ​ർ​ഡും പ​തി​നാ​റു​കാ​ര​നാ​യ യ​മാ​ൽ സ്വ​ന്ത​മാ​ക്കി.

89-ാം മി​നി​റ്റി​ൽ ജോ​ഷ്വ കി​മ്മി​ച്ചി​ന്‍റെ അ​സി​സ്റ്റി​ൽ ഫ്ളോ​റി​യ​ൻ വ്രി​റ്റ്സ് ജ​ർ​മ​നി​ക്കു സ​മ​നി​ല സ​മ്മാ​നി​ച്ചു. അ​തോ​ടെ മ​ത്സ​രം അ​ധി​ക സ​മ​യ​ത്തേ​ക്ക്. ഓ​ൾ​മോ​യു​ടെ അ​സി​സ്റ്റി​ൽ മി​ക്കേ​ൽ മെ​റി​നോ 119-ാം മി​നി​റ്റി​ൽ സ്പെ​യി​നി​ന്‍റെ ജ​യം കു​റി​ച്ച ഗോ​ൾ സ്വ​ന്ത​മാ​ക്കി. തൊ​ട്ടു പി​ന്നാ​ലെ ര​ണ്ടാം മ​ഞ്ഞ​ക്കാ​ർ​ഡി​ലൂ​ടെ സ്പാ​നി​ഷ് താ​രം ഡാ​നി കാ​ർ​വ​ഹാ​ൽ (120+5') പു​റ​ത്തേ​ക്കു ന​ട​ന്നു.

യൂ​റോ ക​പ്പ് ച​രി​ത്ര​ത്തി​ൽ ജ​ർ​മ​നി​യും സ്പെ​യി​നും നേ​ർ​ക്കു​നേ​ർ കൊ​ന്പു​കോ​ർ​ക്കു​ന്ന നാ​ലാ​മ​ത് മ​ത്സ​ര​മാ​യി​രു​ന്നു സ്റ്റ​ഡ്ഗ​ഡി​ൽ അ​ര​ങ്ങേ​റി​യ​ത്. 2008 ഫൈ​ന​ലി​ൽ ഇ​രു​ടീ​മും മു​ഖാ​മു​ഖ​മി​റ​ങ്ങി​യ​പ്പോ​ൾ 1-0ന്‍റെ ജ​യ​ത്തോ​ടെ സ്പെ​യി​ൻ ക​പ്പി​ൽ മു​ത്തം​വ​ച്ചി​രു​ന്നു. അ​തി​നു​ശേ​ഷം ജ​ർ​മ​നി​യും സ്പെ​യി​നും യൂ​റോ വേ​ദി​യി​ൽ ഏ​റ്റു​മു​ട്ടി​യ​പ്പോ​ൾ സ്റ്റ​ഡ്ഗ​ഡ് അ​രീ​ന ആ​ര​വ​ത്തി​ൽ മു​ങ്ങി. സ്പാ​നി​ഷ് ക്യാ​പ്റ്റ​ൻ ആ​ൽ​വാ​രോ മൊ​റാ​ട്ട​യു​ടെ അ​സി​സ്റ്റി​ൽ പെ​ദ്രി​യു​ടെ ഗോ​ൾ​ശ്ര​മ​ത്തോ​ടെ​യാ​ണ് മ​ത്സ​രം ആ​രം​ഭി​ച്ച​ത്. പി​ന്നീ​ട​ങ്ങോ​ട്ട് ഇ​രു​ടീ​മം​ഗ​ങ്ങ​ളും തു​ട​ർ​ച്ച​യാ​യി ഫൗ​ൾ ന​ട​ത്തി. ഇ​തി​നി​ടെ സ്പാ​നി​ഷ് സം​ഘം ജ​ർ​മ​ൻ ഗോ​ൾ​മു​ഖ​ത്ത് വീ​ണ്ടും ഭീ​ഷ​ണി​യാ​യി.


എ​ട്ടാം മി​നി​റ്റി​ൽ ഫൗ​ളി​നു​വി​ധേ​യ​മാ​യി പെ​ദ്രി​ക്കു പ​രി​ക്കേ​റ്റു. പെ​ദ്രി​ക്കു പ​ക​രം ഡാ​നി ഓ​ൾ​മോ ക​ള​ത്തി​ലെ​ത്തി. 10-ാം മി​നി​റ്റി​ൽ മൊ​റാ​ട്ട​യു​ടെ കു​തി​പ്പ് ഓ​ഫ്സൈ​ഡ് കു​രു​ക്കി​ൽ​പ്പെ​ട്ടു. 12-ാം മി​നി​റ്റി​ൽ ഫാ​ബി​യ​ൻ റൂ​യി​സി​ന്‍റെ അ​സി​സ്റ്റി​ൽ നി​ക്കോ വി​ല്യം​സ് ബോ​ക്സി​നു പു​റ​ത്തു​നി​ന്നു തൊ​ടു​ത്ത ഷോ​ട്ട് പു​റ​ത്തേ​ക്കു​പാ​ഞ്ഞു. 15-ാം മി​നി​റ്റി​ൽ മൊ​റാ​ട്ട​യു​ടെ ഗോ​ൾ​ഷോ​ട്ട് ബ്ലോ​ക്ക് ചെ​യ്ത് ജ​ർ​മ​ൻ പ്ര​തി​രോ​ധം അ​പ​ക​ട​മൊ​ഴി​വാ​ക്കി. 21-ാം മി​നി​റ്റി​ൽ ക​യ് ഹ​വേ​ർ​ട്ട്സി​ലൂ​ടെ ജ​ർ​മ​നി തി​രി​ച്ച​ടി​ച്ചു. ഹ​വേ​ർ​ട്ട്സി​ന്‍റെ ഗോ​ൾ​ശ്ര​മം സ്പാ​നി​ഷ് വ​ല​യി​ലെ​ത്തി​യി​ല്ല.

അ​തോ​ടെ ജ​ർ​മ​നി ഉ​ണ​ർ​ന്നു. ജോ​നാ​ഥ​ൻ താ​ഹി​ലൂ​ടെ ഒ​രി​ക്ക​ൽ​ക്കൂ​ടി ജ​ർ​മ​നി ഗോ​ളി​ലേ​ക്ക് ല​ക്ഷ്യം​വ​ച്ചു. പ​ന്തി​നാ​യു​ള്ള പോ​രാ​ട്ട​ത്തി​നി​ടെ ഫൗ​ളി​ന് ഇ​രു​ടീ​മും മ​ടി​ക്കാ​തി​രു​ന്ന​തോ​ടെ റ​ഫ​റി​യു​ടെ വി​സി​ലി​നും വി​ശ്ര​മ​മി​ല്ലാ​യി​രു​ന്നു.