ന്യൂ​ഡ​ല്‍​ഹി: ഗ്ലെ​ന്‍ മാ​ക്‌​സ്‌വെ​ല്‍ ക​ത്തി​ക്ക​യ​റി​യ​പ്പോ​ള്‍ ഐ​സി​സി 2023 ഏ​ക​ദി​ന ലോ​ക​ക​പ്പി​ല്‍ ഓ​സ്‌​ട്രേ​ലി​യ​യ്ക്ക് മി​ന്നും ജ​യം.

40 പ​ന്തി​ല്‍ സെ​ഞ്ചു​റി തി​ക​ച്ച മാ​ക്‌​സ്‌​വെ​ല്‍ അ​തി​വേ​ഗ സെ​ഞ്ചു​റി​യു​മാ​യി റി​ക്കാ​ര്‍​ഡ് ബു​ക്കി​ല്‍ ഇ​ടം​പി​ടി​ച്ച​പ്പോ​ല്‍ ഓ​സ്‌​ട്രേ​ലി​യ​യു​ടെ ജ​യം 309 റ​ണ്‍​സി​ന്. ഏ​ക​ദി​ന ക്രി​ക്ക​റ്റി​ല്‍ ഓ​സ്‌​ട്രേ​ലി​യ​യു​ടെ ച​രി​ത്ര​ത്തി​ലെ ഏ​റ്റ​വും വ​ലി​യ ജ​യ​മാ​ണി​ത്. ഓ​റ​ഞ്ച് സം​ഘ​മാ​യ നെ​ത​ര്‍​ല​ന്‍​ഡ്‌​സി​നെ​യാ​ണ് ഓ​സ്‌​ട്രേ​ലി​യ 309 റ​ണ്‍​സി​ന് ഐ​സി​സി ഏ​ക​ദി​ന ലോ​ക​ക​പ്പി​ല്‍ ത​ക​ര്‍​ത്തെ​റി​ഞ്ഞ​ത്.

സ്‌​കോ​ർ: ഓ​സ്‌​ട്രേ​ലി​യ 50 ഓ​വ​റി​ല്‍ 399/8. നെ​ത​ര്‍​ല​ന്‍​ഡ്‌​സ് 21 ഓ​വ​റി​ല്‍ 90.

റി​ക്കാ​ര്‍​ഡ് മാ​ക്‌​സി

നേ​രി​ട്ട 40-ാം പ​ന്തി​ല്‍ മാ​ക്‌​സ്‌​വെ​ല്‍ സെ​ഞ്ചു​റി തി​ക​ച്ചു. ഐ​സി​സി ഏ​ക​ദി​ന ലോ​ക​ക​പ്പ് ച​രി​ത്ര​ത്തി​ല്‍ അ​തി​വേ​ഗ സെ​ഞ്ചു​റി എ​ന്ന റി​ക്കാ​ര്‍​ഡാ​ണ് ഓ​സീ​സ് ഓ​ള്‍​റൗ​ണ്ട​ര്‍ സ്വ​ന്തം പേ​രി​ല്‍ ചേ​ര്‍​ത്ത​ത്. 2023 ഐ​സി​സി ലോ​ക​ക​പ്പി​ല്‍ ഇ​ത് ര​ണ്ടാം ത​വ​ണ​യാ​ണ് അ​തി​വേ​ഗ സെ​ഞ്ചു​റി​യു​ടെ റി​ക്കാ​ര്‍​ഡ് തി​രു​ത്ത​പ്പെ​ടു​ന്ന​ത് എ​ന്ന​തും ശ്ര​ദ്ധേ​യം.

ശ്രീ​ല​ങ്ക​യ്‌​ക്കെ​തി​രേ 49 പ​ന്തി​ല്‍ സെ​ഞ്ചു​റി തി​ക​ച്ച ദ​ക്ഷി​ണാ​ഫ്രി​ക്ക​യു​ടെ എ​യ്ഡ​ന്‍ മാ​ര്‍​ക്രം റി​ക്കാ​ര്‍​ഡ് സ്വ​ന്ത​മാ​ക്കി​യി​രു​ന്നു. ആ ​റി​ക്കാ​ര്‍​ഡാ​ണ് ആ​ഴ്ച​ക​ള്‍​ക്കു​ള്ളി​ല്‍ ഗ്ലെ​ന്‍ മാ​ക്‌​സ്‌​വെ​ല്‍ തി​രു​ത്തി​യ​ത്.
സ​ച്ചി​നൊ​പ്പം വാ​ര്‍​ണ​ര്‍

44 പ​ന്തി​ല്‍ എ​ട്ട് സി​ക്‌​സും ഒ​മ്പ​ത് ഫോ​റും അ​ട​ക്കം 106 റ​ണ്‍​സ് നേ​ടി​യ ഗ്ലെ​ന്‍ മാ​ക്‌​സ്‌​വെ​ല്ലി​നൊ​പ്പം 93 പ​ന്തി​ല്‍ 104 റ​ണ്‍​സു​മാ​യി ഡേ​വി​ഡ് വാ​ര്‍​ണ​റും ഓ​സീ​സ് ഇ​ന്നിം​ഗ്‌​സി​നു ക​രു​ത്താ​യി. മൂ​ന്ന് സി​ക്‌​സും 11 ഫോ​റും ഉ​ള്‍​പ്പെ​ടു​ന്ന​താ​യി​രു​ന്നു വാ​ര്‍​ണ​റി​ന്‍റെ ഇ​ന്നിം​ഗ്‌​സ്.

ഐ​സി​സി ഏ​ക​ദി​ന ലോ​ക​ക​പ്പ് ച​രി​ത്ര​ത്തി​ല്‍ ഡേ​വി​ഡ് വാ​ര്‍​ണ​റി​ന്‍റെ ആ​റാം സെ​ഞ്ചു​റി​യാ​ണ്. ലോ​ക​ക​പ്പ് സെ​ഞ്ചു​റി​ക​ളു​ടെ എ​ണ്ണ​ത്തി​ല്‍ ഇ​ന്ത്യ​ന്‍ ഇ​തി​ഹാ​സം സ​ച്ചി​ന്‍ തെ​ണ്ടു​ല്‍​ക്ക​റി​ന് ഒ​പ്പ​വും ഇ​തോ​ടെ വാ​ര്‍​ണ​ര്‍ എ​ത്തി. ഏ​ഴ് സെ​ഞ്ചു​റി​യു​ള്ള ഇ​ന്ത്യ​ന്‍ ക്യാ​പ്റ്റ​ന്‍ രോ​ഹി​ത് ശ​ര്‍​മ​യാ​ണ് ഇ​ക്കാ​ര്യ​ത്തി​ല്‍ വാ​ര്‍​ണ​റി​നും സ​ച്ചി​നും മു​ന്നി​ലു​ള്ള​ത്. ലോ​ക​ക​പ്പി​ല്‍ ഏ​റ്റ​വും കൂ​ടു​ത​ല്‍ സെ​ഞ്ചു​റി​യു​ള്ള ഓ​സീ​സ് ബാ​റ്റ​ര്‍ എ​ന്ന റി​ക്കാ​ര്‍​ഡ് ഇ​നി വാ​ര്‍​ണ​റി​നു സ്വ​ന്തം. വാ​ര്‍​ണ​റി​ന്‍റെ 22-ാം ഏ​ക​ദി​ന സെ​ഞ്ചു​റി​യാ​ണ്.


സ്മി​ത്ത്, ല​ബൂ​ഷെ​യ്ന്‍

68 പ​ന്തി​ല്‍ 71 റ​ണ്‍​സു​മാ​യി സ്റ്റീ​വ് സ്മി​ത്തും 47 പ​ന്തി​ല്‍ 62 റ​ണ്‍​സു​മാ​യി മാ​ര്‍​ന​സ് ല​ബൂ​ഷെ​യ്‌​നും ഓ​സീ​സ് സ്‌​കോ​ര്‍​ബോ​ര്‍​ഡി​ലേ​ക്ക് കാ​ര്യ​മാ​യ സം​ഭാ​വ​ന ന​ല്‍​കി. ഓ​പ്പ​ണ​ര്‍ മി​ച്ച​ല്‍ മാ​ര്‍​ഷ് (9) തു​ട​ക്ക​ത്തി​ല്‍​ത​ന്നെ പു​റ​ത്താ​യി​രു​ന്നു. ര​ണ്ടാം വി​ക്ക​റ്റി​ല്‍ വാ​ര്‍​ണ​റും സ്മി​ത്തും ചേ​ര്‍​ന്ന് നേ​ടി​യ 132 റ​ണ്‍​സാ​ണ് ഓ​സീ​സ് ഇ​ന്നിം​ഗ്‌​സി​ലെ ഉ​യ​ര്‍​ന്ന കൂ​ട്ടു​കെ​ട്ട്. ഏ​ഴാം വി​ക്ക​റ്റി​ല്‍ പാ​റ്റ് ക​മ്മി​ന്‍​സും (12 നോ​ട്ടൗ​ട്ട്) മാ​ക്‌​സ്‌​വെ​ല്ലും ചേ​ര്‍​ന്ന് 44 പ​ന്തി​ല്‍ 103 റ​ണ്‍​സ് അ​ടി​ച്ചു​കൂ​ട്ടി.

ഓ​സീ​സ്, ബാ​സ് ലീ​ഡ്

എ​ട്ട് വി​ക്ക​റ്റ് ന​ഷ്ട​ത്തി​ല്‍ 399 റ​ണ്‍​സ് എ​ന്ന​ത് ഓ​സ്‌​ട്രേ​ലി​യ​യു​ടെ ഏ​ക​ദി​ന ച​രി​ത്ര​ത്തി​ലെ ഏ​റ്റ​വും ഉ​യ​ര്‍​ന്ന ര​ണ്ടാ​മ​ത് ലോ​ക​ക​പ്പ് സ്‌​കോ​റാ​ണ്. 2015ല്‍ ​അ​ഫ്ഗാ​നി​സ്ഥാ​നെ​തി​രേ ആ​റ് വി​ക്ക​റ്റി​ന് 417 റ​ണ്‍​സ് നേ​ടി​യ​താ​ണ് ഒ​ന്നാ​മ​ത്.

നെ​ത​ര്‍​ല​ന്‍​ഡി​സി​ന്‍റെ ബാ​സ് ഡി ​ലീ​ഡ് 10 ഓ​വ​റി​ല്‍ വ​ഴ​ങ്ങി​യ​ത് 115 റ​ണ്‍​സാ​യി​രു​ന്നു. ഏ​ക​ദി​ന ക്രി​ക്ക​റ്റ് ച​രി​ത്ര​ത്തി​ല്‍ ഒ​രു ബൗ​ള​ര്‍ 10 ഓ​വ​റി​ല്‍ വ​ഴ​ങ്ങു​ന്ന ഏ​റ്റ​വും ഉ​യ​ര്‍​ന്ന റ​ണ്‍​സാ​ണി​ത്. ര​ണ്ട് വി​ക്ക​റ്റും ബാ​സ് ലീ​ഡ് വീ​ഴ്ത്തി.

400 റ​ണ്‍​സ് വി​ജ​യ ല​ക്ഷ്യ​ത്തി​നാ​യി ക്രീ​സി​ലെ​ത്തി​യ നെ​ത​ര്‍​ല​ന്‍​ഡ്‌​സ് 21 ഓ​വ​റി​ല്‍ 90നു ​പു​റ​ത്താ​യി. ഓ​സീ​സ് സ്പി​ന്ന​ര്‍ ആ​ദം സാം​പ മൂ​ന്ന് ഓ​വ​റി​ല്‍ എ​ട്ട് റ​ണ്‍​സ് വ​ഴ​ങ്ങി നാ​ല് വി​ക്ക​റ്റ് വീ​ഴ്ത്തി. മി​ച്ച​ല്‍ മാ​ര്‍​ഷ് ര​ണ്ടു വി​ക്ക​റ്റ് സ്വ​ന്ത​മാ​ക്കി.