മും​ബൈ: ക​ഴി​ഞ്ഞ മാ​സം ഇ​ന്ത്യ​യു​ടെ മൊ​ത്ത ച​ര​ക്ക് സേ​വ​ന നി​കു​തി (ജി​എ​സ്ടി) പി​രി​വ് 2.01 ല​ക്ഷം കോ​ടി ക​ട​ന്ന​താ​യി കേ​ന്ദ്ര ധ​ന​കാ​ര്യ മ​ന്ത്രാ​ല​യം. ഇ​ത് 2024 മേ​യി​ൽ പി​രി​ച്ചെ​ടു​ത്ത 1.72 ല​ക്ഷം കോ​ടി രൂ​പ​യി​ൽനി​ന്ന് 16.4 ശ​ത​മാ​നം വ​ർ​ധ​ന​വാ​ണ് കാ​ണി​ക്കു​ന്ന​തെ​ന്ന് പു​റ​ത്തു​വി​ട്ട ക​ണ​ക്കു​ക​ൾ വ്യ​ക്ത​മാ​ക്കു​ന്നു. ഏ​പ്രി​ലി​ൽ ജി​എ​സ്ടി വ​രു​മാ​നം എ​ക്കാ​ല​ത്തെ​യും ഉ​യ​ർ​ന്ന നി​ര​ക്കാ​യ 2.37 ല​ക്ഷം കോ​ടി രൂ​പ​യി​ലെ​ത്തി​യി​രു​ന്നു. ഇ​ത് തു​ട​ർ​ച്ച​യാ​യ ര​ണ്ടാം മാ​സ​മാ​ണ് ജി​എ​സ്ടി പി​രി​വ് 2 ല​ക്ഷം കോ​ടി രൂ​പ ക​ട​ക്കു​ന്ന​ത്.

മേ​യി​ൽ ആ​ഭ്യ​ന്ത​ര ഇ​ട​പാ​ടു​ക​ളി​ൽ​നി​ന്നു​ള്ള മൊ​ത്ത വ​രു​മാ​നം 13.7 ശ​ത​മാ​നം വ​ർ​ധി​ച്ച് 1.50 ല​ക്ഷം കോ​ടി രൂ​പ​യാ​യി. അ​തേ​സ​മ​യം ഇ​റ​ക്കു​മ​തി​യി​ൽ​നി​ന്നു​ള്ള ജി​എ​സ്ടി വ​രു​മാ​നം 25.2 ശ​ത​മാ​നം വ​ർ​ധി​ച്ച് 51,266 കോ​ടി രൂ​പ​യാ​യി. മേ​യ് മാ​സ​ത്തെ വ​രു​മാ​ന​ത്തി​ന്‍റെ ക​ണ​ക്കു​ക​ൾ പ്ര​കാ​രം മൊ​ത്തം കേ​ന്ദ്ര ജി​എ​സ്ടി 35,434 കോ​ടി രൂ​പ​യും സം​യോ​ജി​ത ജി​എ​സ്ടി ഏ​ക​ദേ​ശം 1.09 ല​ക്ഷം കോ​ടി രൂ​പ​യു​മാ​ണ്. കൂ​ടാ​തെ, സെ​സ് വ​രു​മാ​നം 12,879 കോ​ടി രൂ​പ​യും ആ​യി​രു​ന്നു.


മ​ഹാ​രാ​ഷ‌്ട്ര, പ​ശ്ചി​മ ബം​ഗാ​ൾ, ക​ർ​ണാ​ട​ക, ത​മി​ഴ്നാ​ട് തു​ട​ങ്ങി​യ വ​ലി​യ സം​സ്ഥാ​ന​ങ്ങ​ളി​ൽ ശേ​ഖ​ര​ണ​ത്തി​ൽ 17 ശ​ത​മാ​നം മു​ത​ൽ 25 ശ​ത​മാ​നം വ​രെ വ​ർ​ധ​ന​വ് ഉ​ണ്ടാ​യ​പ്പോ​ൾ, ഗു​ജ​റാ​ത്ത്, ആ​ന്ധ്രാ​പ്ര​ദേ​ശ്, തെ​ല​ങ്കാ​ന തു​ട​ങ്ങി​യ സം​സ്ഥാ​ന​ങ്ങ​ളി​ൽ ആ​റ് ശ​ത​മാ​നം വ​രെ വ​ർ​ധ​ന​വാ​ണ് ഉ​ണ്ടാ​യ​ത്. മ​ധ്യ​പ്ര​ദേ​ശ്, ഹ​രി​യാ​ന, പ​ഞ്ചാ​ബ്, രാ​ജ​സ്ഥാ​ൻ തു​ട​ങ്ങി​യ ചി​ല സം​സ്ഥാ​ന​ങ്ങ​ളി​ൽ ശ​രാ​ശ​രി 10 ശ​ത​മാ​നം വ​ർ​ധ​ന​വ് ഉ​ണ്ടാ​യി​ട്ടു​ണ്ട്.