രക്ഷാപ്രവർത്തകർ തെരച്ചിൽ ആരംഭിച്ചുവെങ്കിലും മൂടൽമഞ്ഞ് ബുദ്ധിമുട്ടുണ്ടാക്കുന്നതായി റിപ്പോർട്ടുകളിൽ പറയുന്നു. അപകടത്തിനു തൊട്ടുപിന്നാലെ ഇറാനിലെ മെഹർ ന്യൂസ് ഏജൻസി പുറത്തുവിട്ട റിപ്പോർട്ടിൽ, പ്രസിഡന്റ് റെയ്സി സുരക്ഷിതനാണെന്നും കാറിൽ യാത്ര തുടർന്നെന്നും പറഞ്ഞുവെങ്കിലും പിന്നീട് റിപ്പോർട്ട് നീക്കംചെയ്യുകയുണ്ടായി.
അറുപത്തിമൂന്നുകാരനായ റെയ്സി, ഇറാനിലെ പരമോന്നത നേതാവ് ആയത്തുള്ള അലി ഖമനേയിയുടെ വിശ്വസ്തനാണ്. ഖമനേയിക്കു ശേഷം അടുത്ത പരമോന്നത നേതാവാകുമെന്നാണ് വിലയിരുത്തൽ.