തി​രു​വ​ല്ല: ബം​ഗ​ളൂ​രു​വി​ൽനി​ന്ന് അ​ടൂ​രി​ലേ​ക്കു​ള്ള അ​ന്ത​ർ സം​സ്ഥാ​ന ബ​സ് യാ​ത്ര​യ്ക്കി​ടെ എം​ഡി​എം​എ​യു​മാ​യി യു​വാ​വ് പി​ടി​യി​ൽ. അ​ടൂ​ർ പ​ഴ​കു​ളം വ​ലി​യ​വി​ള​യി​ൽ വീ​ട്ടി​ൽ ഫൈ​സ​ൽ മു​ഹ​മ്മ​ദാ​ണ് ( 24) ഡാ​ൻ​സാ​ഫ് സം​ഘ​ത്തി​ന്‍റെ​യും തി​രു​വ​ല്ല പോ​ലീ​സി​ന്‍റെ​യും സം​യു​ക്ത പ​രി​ശോ​ധ​ന​യി​ൽ തി​രു​വ​ല്ല മ​ഴു​വ​ങാ​ട്ട്പി​ടി​യി​ലാ​യ​ത്. 11 ഗ്രാം ​എം​ഡി​എം​എ ഇ​യാ​ളു​ടെ പ​ക്ക​ൽനി​ന്നു ക​ണ്ടെ​ടു​ത്തു.

ജി​ല്ലാ പോ​ലീ​സ് മേ​ധാ​വി​ക്ക് ല​ഭി​ച്ച ര​ഹ​സ്യ​വി​വ​രം ഡാ​ൻ​സാ​ഫ് ടീ​മി​ന് കൈ​മാ​റി​യ​തിനെത്തു​ട​ർ​ന്നാ​ണ് ന​ട​പ​ടി. യു​വാ​വി​ന്‍റെ ഷൂ​വി​നു​ള്ളി​ലും പാ​ന്‍റ്സിന്‍റെ പോ​ക്ക​റ്റി​ലും ഒ​ളി​പ്പി​ച്ച നി​ല​യി​ലാ​യി​രു​ന്നു ല​ഹ​രി​മ​രു​ന്ന്. തി​രു​വ​ല്ല പോ​ലീ​സ് തു​ട​ർ ന​ട​പ​ടി സ്വീ​ക​രി​ച്ചു.

ന​ർ​ക്കോ​ട്ടി​ക് സെ​ൽ ഡിവൈഎ​സ്പി ജെ.​ ഉ​മേ​ഷ്‌ കു​മാ​റി​ന്‍റെ മേ​ൽ​നോ​ട്ട​ത്തി​ലാ​യി​രു​ന്നു പ​രി​ശോ​ധ​ന. സം​സ്ഥാ​ന​ത്തി​നു പു​റ​ത്തു​നി​ന്നു കൊ​ണ്ടു​വ​ന്ന​താ​ണ് മയക്കു മരുന്നെന്ന് യു​വാ​വ് ചോ​ദ്യം ചെ​യ്യ​ലി​ൽ സ​മ്മ​തി​ച്ചു. വ്യാ​വ​സാ​യി​ക അ​ള​വി​ലു​ള്ള​താ​ണ് പി​ടി​ച്ചെ​ടു​ത്ത എം​ഡി​എം​എ.

ചെ​ങ്ങ​ന്നൂ​രി​ൽ എ​ട്ടു കി​ലോ ക​ഞ്ചാ​വ് പി​ടി​കൂ​ടി​യ കേ​സി​ലെ പ്ര​തി​യാ​ണ് ഇ​യാ​ൾ. ല​ഹ​രി​മ​രു​ന്നി​ന്‍റെ ഉ​റ​വി​ട​ത്തെ സം​ബ​ന്ധി​ച്ചും കൂ​ട്ടാ​ളി​ക​ൾ ആ​രെ​ങ്കി​ലു​മു​ണ്ടോ തു​ട​ങ്ങി​യ വി​വ​ര​ങ്ങ​ളെ​പ്പ​റ്റി​യും വി​ശ​ദ​മാ​യ അ​ന്വേ​ഷ​ണം ന​ട​ക്കു​ക​യാ​ണ്. കോ​ട​തി​യി​ൽ ഹാ​ജ​രാ​ക്കി​യ ഫൈ​സ​ൽ മു​ഹ​മ്മ​ദി​നെ റി​മാ​ൻ​ഡ് ചെ​യ്തു.