മല്ലപ്പള്ളി ഉപജില്ലാ കലോത്സവം: ചെങ്ങരൂര്‍, മല്ലപ്പള്ളി സിഎംഎസ്, സെന്‍റ് ഫിലോമിനാസ് സ്‌കൂളുകള്‍ക്ക് ചാമ്പ്യന്‍ഷിപ്
1478195
Monday, November 11, 2024 4:41 AM IST
മല്ലപ്പള്ളി: ഉപജില്ലാ സ്‌കൂള്‍ കലോത്സവം ഹയര്‍ സെക്കന്‍ഡറി വിഭാഗത്തില്‍ ചെങ്ങരൂര്‍ സെന്‍റ് തെരേസാസ് ബഥനി കോണ്‍വെന്‍റ് എച്ച്എസ്എസും ഹൈസ്‌കൂള്‍ വിഭാഗത്തില്‍ മല്ലപ്പള്ളി സിഎംഎസ് എച്ച്എസ്എസും യുപി വിഭാഗത്തില്‍ മല്ലപ്പള്ളി സെന്‍റ് ഫിലോമിനാസ് യുപി സ്‌കൂളും ചാമ്പ്യന്‍ഷിപ് നേടി. എല്‍പി വിഭാഗത്തില്‍ മല്ലപ്പള്ളി സിഎംഎസ്ഇകെജി എല്‍പിഎസിനാണ് ചാമ്പ്യന്‍ഷിപ്പ്.
ഹയര്‍ സെക്കന്‍ഡറി വിഭാഗത്തില്‍ കുന്നന്താനം എന്‍എസ്എസ് എച്ച്എസ്എസ്, മല്ലപ്പള്ളി സിഎംഎസ് എച്ച്എസ്എസ് എന്നിവർ യഥാക്രമം രണ്ടും മൂന്നും സ്ഥാനങ്ങള്‍ കരസ്ഥമാക്കി.
ഹൈസ്‌കൂള്‍ വിഭാഗത്തില്‍ ചെങ്ങരൂര്‍ സെന്‍റ് തെരേസാസ് ബിസിഎച്ച്എസ്എസ്, മുണ്ടിയപ്പള്ളി സിഎംഎസ്എച്ച്എസ് എന്നിവയ്ക്കാണ് രണ്ടും മൂന്നും സ്ഥാനങ്ങള്‍. യുപി വിഭാഗത്തില്‍ ചെങ്ങരൂര്‍ സെന്‍റ് തെരേസാസ്, മുണ്ടിയപ്പള്ളി സിഎംഎസ് സ്‌കൂളുകള്‍ രണ്ടും മൂന്നും സ്ഥാനങ്ങള്‍ നേടി.
എല്‍പി വിഭാത്തില്‍ മല്ലപ്പള്ളി ഐകെഎം സിഎംഎസ് എല്‍പിഎസ് രണ്ടാംസ്ഥാനവും, സെന്‍റ് ഫിലോമിനാസ് യുപിഎസ്, കോട്ടാങ്ങല്‍ ലിറ്റില്‍ തെരേസാസ് എല്‍പിഎസ് എന്നിവർ മൂന്നാമതുമെത്തി.
അറബിക് കലോത്സവം എല്‍പി വിഭാഗത്തില്‍ വായ്പൂര് മുഹമ്മദന്‍സ് എല്‍പിഎസും യുപി വിഭാഗത്തില്‍ കോട്ടാങ്ങല്‍ സെന്‍റ് ജോര്‍ജ് എച്ച്എസും ഒന്നാമതെത്തി. സംസ്‌കൃതോത്സവത്തില്‍ മല്ലപ്പള്ളി സെന്‍റ് ഫിലോമിനാസ് യുപിഎസിനാണ് ഒന്നാം സ്ഥാനം.
ചെങ്ങരൂര്‍ സെന്‍റ് തെരേസാസ് ബിസിഎച്ച്എസ്എസില്‍ നടന്ന കലോത്സവം സമാപന സമ്മേളനം ബ്ലോക്ക് പഞ്ചായത്ത് പ്രസിഡന്‍റ് ബിന്ദു ചന്ദ്രമോഹന്‍ ഉദ്ഘാടനം ചെയ്തു. കല്ലൂപ്പാറ ഗ്രാമപഞ്ചായത്ത് പ്രസിഡന്‍റ് ഗീത ശ്രീകുമാര്‍ അധ്യക്ഷത വഹിച്ചു.