കുണ്ടറ ഉപജില്ലാ സ്കൂൾ കലോത്സവം നാളെ തുടങ്ങും

കുണ്ടറ: കുണ്ടറ ഉപജില്ലാ സ്കൂൾ കലോത്സവം നാളെ ഇളമ്പള്ളൂർ എസ്എൻഎസ്എം ഹയർസെക്കൻഡറി സ്കൂളിൽ തുടങ്ങും.

14 ന് സമാപിക്കും. സംസ്കൃതം അറബിക് കലോത്സവങ്ങൾ ഉൾപ്പെടെ എട്ടു വേദികളിലായാണ് മത്സരങ്ങൾ. നാളെ രാവിലെ 9.30 ന് ഇളമ്പള്ളൂർ പഞ്ചായത്ത് പ്രസിഡന്‍റ് എസ്.ഡി. അഭിലാഷ് പതാക ഉയർത്തും. 12 ന് രാവിലെ 9 .30 ന് പി.സി.വിഷ്ണുനാഥ് എംഎൽഎ കലോത്സവം ഉദ്ഘാടനം ചെയ്യും.

എസ്എൻഎസ് എം ഹയർസെക്കൻഡറി സ്കൂൾ ഓഡിറ്റോറിയം, ഇളമ്പള്ളൂർ പഞ്ചായത്ത് കമ്യൂണിറ്റി ഹാൾ, കെജിവി ഗവ. യുപി സ്കൂൾ ( അറബിക് കലോത്സവം ), എസ്എൻഎസ്എം സ്കൂൾ ഗ്രൗണ്ട്, കെജിവി ഗവ.യു പി സ്കൂൾ ഗ്രൗണ്ട് തുടങ്ങിയ സ്ഥലങ്ങളാണ് മത്സര വേദികൾ.

സമാപന സമ്മേളനം 14 ന് വൈകുന്നേരം ആറിന് ജില്ലാ പഞ്ചായത്ത് പ്രസിഡന്‍റ് പി.കെ. ഗോപൻ ഉദ്ഘാടനം ചെയ്യും. ഉപജില്ലാ വിദ്യാഭ്യാസ ഓഫീസർ എം. റസിയാബീഗം സമ്മാനദാനം നിർവഹിക്കും.