ക​ള​ക്ട​റേ​റ്റ് സ്‌​ഫോ​ട​ന കേ​സി​ലെ പ്ര​തി​ക​ളെ നേ​രി​ട്ട് ഹാ​ജ​രാ​ക്കി
Thursday, September 5, 2024 5:45 AM IST
കൊ​ല്ലം: ക​ള​ക്ട​റേ​റ്റ് സ്‌​ഫോ​ട​ന കേ​സി​ല്‍ പ്ര​തി​ക​ളെ ഇ​ന്ന​ലെ നേ​രി​ട്ട് ഹാ​ജ​രാ​ക്കി മൊ​ഴി​യെ​ടു​ത്തു. കേ​സി​ല്‍ പ്ര​തി​ഭാ​ഗ​ത്തി​ന് കൂ​ടു​ത​ല്‍ തെ​ളി​വ് ഹാ​ജ​രാ​ക്കാ​ന്‍ സ​മ​യം അ​നു​വ​ദി​ച്ച് 10 ന് ​വാ​ദം തു​ട​രും. ക്രി​മി​ന​ല്‍​ച​ട്ടം 313 വ​കു​പ്പ് അ​നു​സ​രി​ച്ചാ​ണ് മൊ​ഴി​യെ​ടു​ത്ത​ത്. പ്ര​തി​ക​ള്‍ മ​ധു​ര സ്വ​ദേ​ശി​ക​ളു​മാ​യ അ​ബ്ബാ​സ് അ​ലി, ഷാം​സ​ന്‍ ക​രീം രാ​ജ, ദാ​വൂ​ദ് സു​ലൈ​മാ​ന്‍, ഷം​സു​ദീ​ന്‍ എ​ന്നീ പ്ര​തി​ക​ളെ പ്രി​ന്‍​സി​പ്പ​ല്‍ സെ​ഷ​ന്‍​സ് ജ​ഡ്ജി ജി. ​ഗോ​പ​കു​മാ​ര്‍ മു​മ്പാ​കെ ഹാ​ജ​രാ​ക്കി.

പ്രോ​സി​ക്യൂ​ഷ​ന്‍ ഉ​ന്ന​യി​ച്ച 10 ചോ​ദ്യ​ങ്ങ​ള്‍ പ്ര​തി​ക​ളോ​ട് ചോ​ദി​ച്ചു. അ​റി​യി​ല്ലെ​ന്നും കേ​സു​മാ​യി ബ​ന്ധ​മി​ല്ലെ​ന്നു​മാ​യി​രു​ന്നു പ്ര​തി​ക​ളു​ടെ മ​റു​പ​ടി. പ്ര​തി​ക​ളു​ടെ മ​ധു​ര​യി​ലെ വീ​ടു​ക​ളി​ലും ക​ട​യി​ലും പ​രി​ശോ​ധ​ന ന​ട​ത്തി ലാ​പ്‌​ടോ​പ്, മൊ​ബൈ​ല്‍ എ​ന്നി​വ പി​ടി​ച്ചെ​ടു​ത്ത​ത് സം​ബ​ന്ധി​ച്ച ചോ​ദ്യ​ത്തി​ന് പ​രി​ശോ​ധ​ന​ക​ള്‍ ഒ​ന്നും ന​ട​ന്നി​ട്ടി​ല്ലെ​ന്നാ​ണ് മ​റു​പ​ടി ന​ല്‍​കി​യ​ത്.


വീ​ട്ടി​ല്‍ യാ​തൊ​രു​വി​ധ തെ​ര​ച്ചി​ലും ന​ട​ന്നി​ട്ടി​ല്ലെ​ന്നും ത​ങ്ങ​ള്‍​ക്കെ​തി​രേ അ​ന്വേ​ഷ​ണം ന​ട​ന്നി​ട്ടി​ല്ലെ​ന്നും കേ​സി​ല്‍ എ​ന്‍​ഐ​എ വെ​റു​തെ വി​ട്ടെ​ന്നു​മാ​യി​രു​ന്നു പ്ര​തി​ക​ളു​ടെ മൊ​ഴി.

മൈ​സൂ​ര്‍ കോ​ട​തി വ​ള​പ്പി​ലെ സ്‌​ഫോ​ട​ന​വു​മാ​യി ബ​ന്ധ​പ്പെ​ട്ട് എ​ന്‍​ഐ​എ ര​ജി​സ്റ്റ​ര്‍ ചെ​യ്ത കേ​സി​ല്‍ മ​ധു​ര​യി​ല്‍ പ്ര​തി​ക​ളു​ടെ വീ​ട്ടി​ലും ക​ട​യി​ലും ന​ട​ത്തി​യ പ​രി​ശോ​ധ​ന​യി​ലാ​ണ് മൊ​ബൈ​ല്‍, ലാ​പ്‌​ടോ​പ് ഉ​ള്‍​പ്പെ​ടെ​യു​ള്ള​വ പി​ടി​ച്ചെ​ടു​ത്ത​ത്.

പ്രോ​സി​ക്യൂ​ഷ​നു വേ​ണ്ടി അ​ഡ്വ. ആ​ര്‍. സേ​തു​നാ​ഥ് ഹാ​ജ​രാ​യി. പ്ര​തി​ക​ള്‍​ക്കാ​യി പ്രോ​സി​ക്യൂ​ഷ​ന്‍ ചോ​ദ്യ​ങ്ങ​ള്‍ അ​ഡ്വ. രേ​ഖ ദീ​പു ത​മി​ഴി​ലേ​ക്ക് മൊ​ഴി​മാ​റ്റി. 2016 ജൂ​ണി​ലാ​ണ് ക​ള​ക്ട​റേ​റ്റ് വ​ള​പ്പി​ലെ മു​ന്‍​സി​ഫ് കോ​ട​തി​ക്ക് സ​മീ​പം സ്ഫോ​ട​ന​മു​ണ്ടാ​യ​ത്. സ്ഫോ​ട​ന​ത്തി​ല്‍ ഒ​രാ​ള്‍​ക്ക് പ​രു​ക്കേ​റ്റി​രു​ന്നു.