പുനലൂർ: പേപ്പർമിൽ - കാര്യറ റോഡിൽ വെള്ളക്കെട്ട് രൂക്ഷം. എട്ടാം വാർഡിൽ കലുങ്ക് നിർമാണത്തിന്റെ പിഴവുമൂലമാണ് വെള്ളക്കെട്ടുണ്ടായതെന്ന് നാട്ടുകാർ ആരോപിച്ചു.
പ്രദേശവാസികൾക്ക് കാൽനടയാത്ര ദുഷ്ക്കരമായിട്ടുണ്ട്. കലുങ്കു പൊളിച്ച് പുനർനിർമാണം നടത്തണമെന്നാവശ്യപ്പെട്ട് പ്രദേശവാസികളും പൊതുപ്രവർത്തകരുമായ ഷംനാദ് വള്ളക്കടവും സൈഫുദീനും പൊതുമരാമത്ത് മന്ത്രിയ്ക്ക് പരാതി നൽകി.
അടിയന്തര നടപടികൾ സ്വീകരിക്കുമെന്ന് ബന്ധപ്പെട്ട ഉദ്യോഗസ്ഥർ അറിയിച്ചിട്ടുണ്ട്.