കൊല്ലം: മുഖ്യമന്ത്രിയുടെ ഓഫീസ് തുടർച്ചയായി അഴിമതിക്കാരുടെ താവളമാകുന്ന സാഹചര്യത്തിൽ പിണറായി വിജയൻ മുഖ്യമന്ത്രിപദം രാജിവയ്ക്കണമെന്ന് കെപിസിസി രാഷ്ട്രീയ കാര്യ സമിതിയംഗം അഡ്വ. ബിന്ദുകൃഷ്ണ ആവശ്യപ്പെട്ടു.
ഭരണകക്ഷിയിലെ പ്രബലനായ ഒരു എംഎൽഎ നടത്തിയ വെളിപ്പെടുത്തലുകൾ അതീവ ഗൗരവമേറിയതാണ്. ഒന്നാം പിണറായി സർക്കാരിന്‍റേതിന് സമാനമായ സംഭവങ്ങളാണ് മുഖ്യമന്ത്രിയുടെ ഓഫീസ് കേന്ദ്രമാക്കി നടക്കുന്നത്. അന്ന് ശിവശങ്കറായിരുന്നു അധികാരം കൈയാളിയിരുന്നത്. ഇപ്പോൾ പി. ശശി ആസ്ഥാനത്ത് എത്തിയിരിക്കുന്നു. സമഗ്രവും വസ്തു നിഷ്ഠവുമായ അന്വേഷണം നടത്തണമെന്ന് അവർ ആവശ്യപ്പെട്ടു.