ലോ​ക​ത്തെ ഒ​ട്ടു​മി​ക്ക പ്രാ​ചീ​ന സം​സ്‌​കാ​ര​ങ്ങ​ളി​ലും സൂ​ര്യ​നെ ദേ​വ​നാ​യി ക​ണ്ട് ആ​രാ​ധി​ച്ചു പോ​രു​ന്ന രീ​തി​യു​ണ്ടാ​യി​രു​ന്നു. ലോ​ക​ത്തി​ന്‍റെ വി​വി​ധ കോ​ണു​ക​ളി​ല്‍ ഇ​പ്പോ​ഴു​മു​ള്ള സൂ​ര്യ​ക്ഷേ​ത്ര​ങ്ങ​ള്‍ ഇ​തി​ലേ​ക്കു വി​ര​ൽ ചൂ​ണ്ടു​ന്നു.

ഒ​ഡീ​ഷ​യി​ലെ കൊ​ണാ​ര്‍​ക്കി​ലെ സൂ​ര്യ​ക്ഷേ​ത്ര​മാ​ണ് ഇ​ന്ത്യ​യി​ലു​ള്ള​വ​യി​ല്‍ ഏ​റ്റ​വും പ്ര​ശ​സ്തം. എ​ന്നാ​ല്‍, വി​സ്മൃ​തി​യി​ലാ​ണ്ടു പോ​യ​തും കൊ​ണാ​ര്‍​ക്കി​ലേ​തി​നേ​ക്കാ​ൾ പ​ഴ​ക്ക​മേ​റി​യ​തു​മാ​യ ഒ​രു സൂ​ര്യ​ക്ഷേ​ത്ര​ത്തി​ന്‍റെ അ​വ​ശി​ഷ്ട​ങ്ങ​ള്‍ ന​മു​ക്ക് ജ​മ്മു കാ​ഷ്മീ​രി​ല്‍ ചെ​ന്നാ​ല്‍ കാ​ണാം.

കാ​ഷ്മീ​ര്‍ താ​ഴ്‌​വ​ര​യി​ലെ അ​ന​ന്ത​നാ​ഗി​ല്‍ സ്ഥി​തി ചെ​യ്യു​ന്ന മാ​ര്‍​ത്താ​ണ്ഡ് സൂ​ര്യ​ക്ഷേ​ത്രം കാ​ര്‍​കോ​ട്ട രാ​ജ​വം​ശ​ത്തി​ലെ ല​ളി​താ​ദി​ത്യ മു​ഖ്താ​പി​ദ എ​ന്ന രാ​ജാ​വ് എ​ട്ടാം നൂ​റ്റാ​ണ്ടി​ല്‍ പ​ണി ക​ഴി​പ്പി​ച്ച​താ​ണെ​ന്നു ക​രു​തു​ന്നു.

എ​ന്നാ​ല്‍, ബി​സി 3007ല്‍ ​പാ​ണ്ഡ​വ രാ​ജ​വം​ശ​ത്തി​ല്‍​പ്പെ​ട്ട രാ​ജാ രാം​ദേ​വാ​ണ് ഈ ​ക്ഷേ​ത്ര​ത്തി​ന്‍റെ ആ​ദ്യ​രൂ​പം നി​ര്‍​മി​ച്ച​തെ​ന്നും വാ​ദ​മു​ണ്ട്. നി​ര​വ​ധി രാ​ജാ​ക്ക​ന്മാ​ര്‍ ക്ഷേ​ത്ര​ത്തി​ന്‍റെ പു​ന​രു​ദ്ധാ​ര​ണം ന​ട​ത്തി​യെ​ന്നും എ​ട്ടാം നൂ​റ്റാ​ണ്ടി​ല്‍ ല​ളി​താ​ദി​ത്യ​യാ​ണ് ക്ഷേ​ത്ര​നി​ര്‍​മാ​ണം പൂ​ര്‍​ത്തീ​ക​രി​ച്ച​തെ​ന്നു​മാ​ണ് പ​റ​യ​പ്പെ​ടു​ന്ന​ത്.

മൂ​ന്നു ക​വാ​ട​ങ്ങ​ൾ

കാ​ഷ്മീ​രി വാ​സ്തു​ക​ല​യു​ടെ ഉ​ദാ​ത്ത ഉ​ദാ​ഹ​ര​ണ​മാ​യാ​ണ് ഈ ​ക്ഷേ​ത്രം വി​ല​യി​രു​ത്ത​പ്പെ​ടു​ന്ന​ത്. കൂ​ടാ​തെ ഗാ​ന്ധാ​ര, ഗു​പ്ത, ചൈ​നീ​സ് വാ​സ്തു​ക​ല​ക​ളു​ടെ സ്വാ​ധീ​ന​വും ഇ​വി​ടെ കാ​ണാം. തൂ​ണു​ക​ളാ​ല്‍ ചു​റ്റ​പ്പെ​ട്ട വി​ശാ​ല​മാ​യ ന​ടു​മു​റ്റ​മാ​ണ് ക്ഷേ​ത്ര​ത്തി​നു​ള്ള​ത്. 220 അ​ടി നീ​ളം, 142 അ​ടി വീ​തി. ക്ഷേ​ത്ര​മു​റ്റ​ത്തി​ന്‍റെ മ​ധ്യ​ഭാ​ഗ​ത്തു പ്ര​ധാ​ന പ്ര​തി​ഷ്ഠ. ഇ​തി​നൊ​പ്പം 84 ഉ​പ​പ്ര​തി​ഷ്ഠ​ക​ളും ഇ​വി​ടെ ഉ​ണ്ടാ​യി​രു​ന്നു.


ഇ​ഹ​ലോ​ക​ത്തെ​യും പ​ര​ലോ​ക​ത്തെ​യും പാ​താ​ള​ലോ​ക​ത്തെ​യും പ്ര​തി​നി​ധാ​നം ചെ​യ്യു​ന്ന മൂ​ന്നു ക​വാ​ട​ങ്ങ​ള്‍ ഈ ​ക്ഷേ​ത്ര​ത്തി​ന്‍റെ മ​റ്റൊ​രു പ്ര​ത്യേ​ക​ത​യാ​ണ്. വാ​സ്തു​വി​ദ്യാ പ്ര​കാ​ര​മു​ള്ള ക​ണ​ക്കു​ക​ളു​ടെ ക​ണി​ശ​ത​യും ഈ ​ക്ഷേ​ത്ര​ത്തെ മ​റ്റു ക്ഷേ​ത്ര​ങ്ങ​ളി​ല്‍​നി​ന്നു വ്യ​ത്യ​സ്ത​മാ​ക്കു​ന്നു.

ചു​ണ്ണാ​ന്പു​ക​ല്ല്

ചാ​ര​നി​റ​ത്തി​ലു​ള്ള ചു​ണ്ണാ​മ്പു ക​ല്ലു​ക​ളാ​ണ് ക്ഷേ​ത്ര​നി​ര്‍​മാ​ണ​ത്തി​നു പ്ര​ധാ​ന​മാ​യി ഉ​പ​യോ​ഗി​ച്ചി​രു​ന്ന​ത്. ബൈ​സ​ന്‍റൈ​ന്‍ വാ​സ്തു​ക​ലാ വി​ദ​ഗ്ധ​രെ എ​ത്തി​ച്ചാ​ണ് ക്ഷേ​ത്ര​നി​ര്‍​മാ​ണം പൂ​ര്‍​ത്തീ​ക​രി​ച്ച​തെ​ന്നും ക​രു​ത​പ്പെ​ടു​ന്നു.

എ​ന്നാ​ല്‍, ഭാ​ര​ത​ത്തി​ലു​ണ്ടാ​യ ഇ​സ്‌​ലാ​മി​ക അ​ധി​നി​വേ​ശം മാ​ര്‍​ത്താ​ണ്ഡ് ക്ഷേ​ത്ര​ത്തി​നും വി​ന​യാ​യി. സി​ക്ക​ന്ദ​ര്‍ ഷാ ​മി​രി(13891413) എ​ന്ന ഭ​ര​ണാ​ധി​കാ​രി 15ാം നൂ​റ്റാ​ണ്ടി​ന്‍റെ തു​ട​ക്ക​ത്തി​ല്‍​ത്ത​ന്നെ ക്ഷേ​ത്രം ത​ക​ര്‍​ത്തു ക​ള​യു​ക​യാ​യി​രു​ന്നു.

ഇ​ന്ന് ആ​കെ നാ​മാ​വി​ശേ​ഷ​മാ​യ അ​വ​സ്ഥ​യി​ലാ​ണ് ക്ഷേ​ത്രം. ഇ​ന്ത്യ​യി​ലെ പു​രാ​വ​സ്തു കേ​ന്ദ്ര​ങ്ങ​ളി​ല്‍ ഏ​റ്റ​വും പ്ര​ധാ​ന​പ്പെ​ട്ട ഒ​ന്നാ​യി​ട്ടാ​ണ് മാ​ര്‍​ത്താ​ണ്ഡ് സൂ​ര്യ​ക്ഷേ​ത്രം വി​ല​യി​രു​ത്ത​പ്പെ​ടു​ന്ന​ത്. നി​ല​വി​ല്‍ ആ​ര്‍​ക്കി​യോ​ള​ജി​ക്ക​ല്‍ സ​ര്‍​വേ ഓ​ഫ് ഇ​ന്ത്യ​യു​ടെ സം​ര​ക്ഷ​ണ​യി​ലാ​ണ് പ്ര​ദേ​ശം.