വാഷിംഗ്ടൺ ഡിസി: യുഎസിൽ ഏകദേശം 8,13,000 വിദ്യാർഥികൾക്ക് വായ്പ ഇളവ് ലഭിക്കുമെന്ന് വൈറ്റ് ഹൗസ് പ്രഖ്യാപിച്ചു. ഇളവിന് അർഹരായവർക്ക് വിവരം അറിയിച്ച് പ്രസിഡന്റ് ജോ ബൈഡന്റെ ഓഫീസിൽ നിന്നും ഇമെയിൽ ലഭിക്കുമെന്ന് അധികൃതർ അറിയിച്ചു.
ഇതുവരെ, ഏകദേശം 3.6 ദശലക്ഷം പേർക്ക് ബൈഡൻ ഭരണകൂടം വായ്പ ഇളവ് നൽകിയിട്ടുണ്ട്. വിദ്യാർഥികൾക്ക് വായ്പ ഇളവ് നൽകുമെന്ന് നേരത്തെ സർക്കാർ തീരുമാനിച്ചിരുന്നു. അത് നടപ്പാക്കുന്നതിനാണ് ഈ പദ്ധതിയെന്നും ബൈഡൻ ഭരണകൂടം അറിയിച്ചു.