ഡാളസ്: പ്രവാസി മലയാളീ ഫെഡറേഷൻ (പിഎംഎഫ്) അമേരിക്ക റീജണിന്‍റെ നേതൃത്വത്തിൽ കേരളത്തിലെ നിർദ്ധനരായ വിദ്യാർഥികളെ സഹായിക്കുക എന്ന ലക്ഷ്യത്തോട് രൂപീകരിച്ച ന്ധവിദ്യാഭ്യാസ സഹായ പദ്ധതിന്ധയുടെ സംസ്ഥാനതല ഉദ്ഘാടനം കേരള നിയമസഭാ സ്പീക്കർ എം.ബി രാജേഷ് നിർവഹിച്ചു
തിരുവനന്തപുരത്ത് ് നടത്തപ്പെട്ട ചടങ്ങിൽ പി.എം.എഫ് ഗ്ലോബൽ ചെയർമാൻ ഡോ. ജോസ് കാനാട്ട്, ഗ്ലോബൽ കോർഡിനേറ്റർ ജോസ് മാത്യു പനച്ചിക്കൻ, കേരള സംസ്ഥാന പ്രസിഡന്‍റ് ബേബി മാത്യു, സംസ്ഥാന കോർഡിനേറ്റർ ബിജു കെ. തോമസ്, സംസ്ഥാന സെക്രട്ടറി ജഷിൻ, , ജോയിന്റ് സെക്രട്ടറി സണ്‍ റഹീം, ഉദയകുമാർ,പി.ജയൻ, നജീബ്, ഹുസൈൻ എന്നിവർ പങ്കെടുത്തു.
പ്രവാസി മലയാളി ഫെഡറേഷൻ അമേരിക്ക റീജണിന്‍റെ ആഭിമുഖ്യത്തിൽ ഇന്ത്യൻ സ്വാതന്ത്ര്യ ദിനത്തോടനുബന്ധിച്ചു ഓഗസ്റ്റ് 14 ശനിയാഴ്ച സൂം ഫ്ളാറ്റ്ഫോം വഴി അമേരിക്കയിലെ വിവിധ സംസ്ഥാനങ്ങളിലെ പ്രധാന ഗായകരെ പങ്കെടുപ്പിച്ചുകൊണ്ട് നടത്തിയ സ്പന്ദനരാഗം എന്ന സംഗീത പരിപാടിയിലൂടെ സമാഹരിച്ച ഫണ്ടിലൂടെയാണ് കേരള സംസ്ഥാന ഗവണ്മെന്‍റിന്‍റെ വിദ്യാ കിരണ്‍ പദ്ധതിയുടെ ഭാഗമായി ഫോണ് ചലഞ്ചിന് തുടക്കം കുറിച്ചതെന്ന് പിഎംഎഫ് നോർത്ത് അമേരിക്ക കോർഡിനേറ്റർ ഷാജീ എസ്. രാമപുരം പറഞ്ഞു. വിവിധ ജില്ലകളിലെ നിർധന വിദ്യാർഥികൾക്കായി നടത്തുന്ന മൊബൈൽ ഫോണ് വിതരണത്തിന്‍റെ ഉദ്ഘാടനം വരുംദിവസങ്ങളിൽ അതാത് ജില്ലകളെ പ്രതിനിധാനം ചെയ്യുന്ന സംസ്ഥാന മന്ത്രിമാർ തന്നെ നിർവഹിക്കുമെന്നും രാമപുരം അറിയിച്ചു.
പ്രസിഡന്‍റ് പ്രൊഫ. ജോയ് പല്ലാട്ടുമഠം (ഡാളസ്), സെക്രട്ടറി ലാജീ തോമസ് (ന്യൂയോർക്ക്), ട്രഷറാർ ജീ മുണ്ടക്കൽ (കണക്ടികട്ട്), തോമസ് രജൻ, ടെക്സാസ്, (വൈസ് പ്രസിഡന്‍റ്), സരോജ വർഗീസ്, ഫ്ളോറിഡ (വൈസ് പ്രസിഡന്‍റ്), രാജേഷ് മാത്യു, അരിസോണ (ജോയിന്റ് സെക്രട്ടറി), റിനു രാജൻ, സിയാറ്റിൽ (ജോയിന്റ് ട്രഷറാർ എന്നിവരുടെ നേതൃത്വത്തിൽ വിപുലമായ ഒരു കമ്മറ്റിയാണ് അമേരിക്ക റീജണൽ പ്രവർത്തനങ്ങൾക്ക് ചുക്കാൻ പിടിക്കുന്നത്.
പിഎംഎഫ് നേതൃത്വത്തിൽ നടത്തപ്പെടുന്ന ഈ മഹത്തായ ഉദ്യമത്തെ ഇനിയും സഹായിക്കാൻ താൽപര്യമുള്ളവർ ഒരു ഫോണിന്റെ വില ഇന്ത്യൻ രൂപയോ/ അമേരിക്കൻ ഡോളറോ ആയി PMF, P.O Box 568532 , Dallas, Pin 75356 എന്ന വിലാസത്തിൽ നൽകി കേരളത്തിലുള്ള നിർധനരായ വിദ്യാർഥികളെ സഹായിക്കണമെന്ന് സംഘാടകർ അറിയിച്ചു.
റിപ്പോർട്ട്: പി.പി. ചെറിയാൻ