ഡോ. മാത്യൂസ് മാര്‍ പോളികാര്പ്പോസിന് പ്രാർഥനാംശംസകള്‍ നേര്‍ന്നു
ജോസ് കുമ്പിളുവേലില്‍
Saturday, May 31, 2025 4:04 PM IST
ബെര്‍ലിന്‍: മലങ്കര സുറിയാനി കത്തോലിക്ക സഭയുടെ മാവേലിക്കര ഭദ്രാസനത്തിന്‍റെ നിയുക്ത മെത്രാനായി നിയോഗിക്കപ്പെട്ട ഡോ. മാത്യൂസ് മാര്‍ പോളികാര്പ്പോസിന് പ്രാര്‍ഥനാംശംസകള്‍ നേര്‍ന്ന് ജര്‍മനിയിലെ മലങ്കര സമൂഹം.
പുതിയ മെത്രാനായി സ്ഥാനമേല്‍ക്കുന്ന ഡോ.മാത്യൂസ് മാര്‍ പോളികാര്പ്പോസിന് ജര്‍മനിയിലെ മലങ്കര സഭാ കോഓര്ഡിനേറ്റര് ഫാ.സന്തോഷ് തോമസ് കോയിക്കല്, റവ.ഡോ.ജോസഫ് ചേലമ്പറമ്പത്ത് (ബോണ്), ജര്‍മനിയിലെ മലങ്കര സമൂഹം പാസ്റ്റല്‍ കൗണ്‍സില്‍ അംഗങ്ങള്‍, വിവിധ മിഷന്‍ യൂണിറ്റ് ഭാരവാഹികള്‍ തുടങ്ങിയവരാണ് ആശംസകളും പ്രാര്‍ഥനകളും നേര്‍ന്നത്.
നിലവിലെ മെത്രാന്‍ ജോഷ്വ മാര്‍ ഇഗ്നേഷ്യസ് തല്‍സ്ഥാനത്തുനിന്നും വിരമിയ്ക്കുന്ന ഒഴിവിലേക്കാണ് പുതിയ നിമനം. നിലവില്‍ തിരുവനന്തപുരം അതിരൂപതയുടെ സഹായമെത്രാനാണ് ഡോ. മാത്യൂസ് മാര്‍ പോളികാര്പ്പോസ്.