റിയാദ്: സൗദി അറേബ്യയുടെ 93-ാമത് ദേശിയദിനാഘോഷം ഇന്നു നടക്കും. ‘ഞങ്ങൾ സ്വപ്നം കാണുന്നു, നേടുന്നു’ എന്ന ശീർഷകത്തിലാണ് ഈ വർഷത്തെ ദേശിയദിനാഘോഷം.
പൊതുമേഖല, സ്വകാര്യ മേഖല സ്ഥാപനങ്ങൾ രാജ്യമെങ്ങും വിപുലമായ ആഘോഷ പരിപാടികളാണു സംഘടിപ്പിച്ചിരിക്കുന്നത്. ആകർഷമായ കിഴിവുകളും ഓഫറുകളും വിവിധ സ്ഥാപനങ്ങൾ പ്രഖ്യാപിച്ചു.
നിരത്തുകളും പാലങ്ങളും അതിർത്തി കവാടങ്ങളും ദീപാലംകൃതമാക്കിയിട്ടുണ്ട്. രാജ്യത്തെ താമസക്കാരായ ആളുകളുടെ കൂട്ടായ്മകൾ ചരിത്ര പഠന, വിനോദ യാത്രകൾ, ക്വിസ് മത്സരങ്ങൾ, കായിക വിനോദ വൈജ്ഞാനിക പ്രദർശന പരിപാടികൾ എന്നിവ സംഘടിപ്പിച്ചിട്ടുണ്ട്.