ക്ലാ​സ് മു​റി​ക​ളി​ൽ വെ​ള്ള​ക്കെ​ട്ടും ഓ​ട്ടു​റു​മ​യുമായി ഒരു സ്കൂൾ
Sunday, June 30, 2024 8:07 AM IST
വെ​ള്ള​രി​ക്കു​ണ്ട്: പൊ​തു​വി​ദ്യാ​ല​യ​ങ്ങ​ളെ​ല്ലാം സ്മാ​ർ​ട്ട് ആ​യെ​ന്ന് സ​ർ​ക്കാ​ർ അ​വ​കാ​ശ​പ്പെ​ടു​മ്പോ​ഴും അ​ടി​സ്ഥാ​ന സൗ​ക​ര്യ​ങ്ങ​ളി​ല്ലാ​തെ ചോ​ർ​ന്നൊ​ലി​ക്കു​ന്ന ക്ലാ​സ് മു​റി​ക​ളു​മാ​യി ക​ന​ക​പ്പ​ള്ളി ജി​എ​ൽ​പി സ്കൂ​ൾ. വ​ർ​ഷ​ങ്ങ​ൾ പ​ഴ​ക്ക​മു​ള്ള കെ​ട്ടി​ട​ത്തി​ൽ ഓ​ട്ടു​റു​മ ശ​ല്യ​വും രൂ​ക്ഷ​മാ​ണ്. ഇ​തി​നോ​ടൊ​പ്പം വൈ​ദ്യു​തി​യി​ല്ലാ​ത്ത സ്ഥി​തി​യും.

നാ​ലു​വ​ർ​ഷം മു​മ്പ് മൂ​ന്നു ല​ക്ഷ​ത്തോ​ളം രൂ​പ ചെ​ല​വ​ഴി​ച്ച് കെ​ട്ടി​ട​ത്തി​ന്‍റെ അ​റ്റ​കു​റ്റ​പ​ണി ന​ട​ത്തി​യി​രു​ന്നെ​ങ്കി​ലും ഇ​പ്പോ​ൾ വീ​ണ്ടും ചോ​ർ​ന്നൊ​ലി​ക്കാ​ൻ തു​ട​ങ്ങി. മ​റ്റു പ​ല സ്കൂ​ളു​ക​ളി​ലും വ​ർ​ണാ​ഭ​മാ​യ ക്ലാ​സ് മു​റി​ക​ളും ചു​വ​രു​ക​ളു​മു​ള്ള​പ്പോ​ൾ വെ​ള്ളം ത​ളം​കെ​ട്ടി​ക്കി​ട​ക്കു​ന്ന ക്ലാ​സ് മു​റി​ക​ളി​ലാ​ണ് ഇ​വി​ടെ കു​ട്ടി​ക​ൾ ഇ​രു​ന്ന് പ​ഠി​ക്കു​ന്ന​ത്. അ​ധ്യാ​പ​ക​രു​ണ്ടെ​ങ്കി​ലും അ​ടി​സ്ഥാ​ന​സൗ​ക​ര്യ​ങ്ങ​ളി​ല്ലാ​ത്ത​തി​നാ​ൽ സ്മാ​ർ​ട്ട് ക്ലാ​സ് റൂ​മു​ക​ൾ പോ​ലു​ള്ള സൗ​ക​ര്യ​ങ്ങ​ളും ഇ​വ​ർ​ക്ക് അ​ന്യ​മാ​ണ്.
മേ​ൽ​ക്കൂ​ര​യി​ൽ നി​ന്ന് ചോ​രു​ന്ന വെ​ള്ള​ത്തി​നൊ​പ്പം ചു​റ്റു​മു​ള്ള സ്ഥ​ല​ത്ത് കെ​ട്ടി​ക്കി​ട​ക്കു​ന്ന വെ​ള്ള​വും ക്ലാ​സ് മു​റി​ക​ളി​ലേ​ക്ക് ഒ​ഴു​കി​യെ​ത്തും. അ​ധ്യാ​പ​ക​ർ​ക്കും കു​ട്ടി​ക​ൾ​ക്കു​മു​ള്ള ശു​ചി​മു​റി സൗ​ക​ര്യ​വും പ​രി​മി​ത​മാ​ണ്.

പു​തി​യ കെ​ട്ടി​ട​ത്തി​നാ​യു​ള്ള ആ​വ​ശ്യം ദീ​ർ​ഘ​നാ​ളാ​യി നി​ല​നി​ല്ക്കു​ന്നു​ണ്ടെ​ങ്കി​ലും അ​ധി​കൃ​ത​ർ അ​റി​ഞ്ഞ മ​ട്ടി​ല്ല. സ്കൂ​ളി​ന്‍റെ പ​രാ​ധീ​ന​ത​ക​ളേ​റി​യ​തോ​ടെ പ​ല ര​ക്ഷി​താ​ക്ക​ളും കു​ട്ടി​ക​ളെ ഇ​വി​ടെ​നി​ന്നും മാ​റ്റാ​നൊ​രു​ങ്ങു​ക​യാ​ണ്.

Copyright @ 2022 , Rashtra Deepika Ltd.