ചെ​റു​കാ​നം പാ​ടി​യി​ൽ​ക്ക​ട​വ് പാ​ലം നി​ർ​മാ​ണം അ​ടു​ത്ത​മാ​സം തു​ട​ങ്ങും
Saturday, June 29, 2024 2:05 AM IST
തൃ​ക്ക​രി​പ്പൂ​ർ: ചെ​റു​കാ​നം പാ​ടി​യി​ൽ​ക്ക​ട​വ് പാ​ലം നി​ർ​മാ​ണം അ​ടു​ത്ത മാ​സം തു​ട​ങ്ങു​ന്ന​തോ‌​ടെ ഇ​രു​ക​ര​ക​ളി​ലെ​യും ജ​ന​ങ്ങ​ളു​ടെ കാ​ല​ങ്ങ​ളാ​യു​ള്ള മു​റ​വി​ളി​ക്ക് അ​റു​തി​യാ​കു​ന്നു. ര​ണ്ട​ര​വ​ർ​ഷം മു​മ്പ് ഭ​ര​ണാ​നു​മ​തി ല​ഭി​ച്ച ചെ​റു​കാ​നം പാ​ടി​യി​ൽ​ക്ക​ട​വ് പാ​ല​ത്തി​ന്‍റെ നി​ർ​മാ​ണം അ​ടു​ത്ത മാ​സം തു​ട​ങ്ങു​മെ​ന്ന് പൊ​തു​മ​രാ​മ​ത്ത് ബ്രി​ഡ്ജ​സ് വി​ഭാ​ഗം അ​ധി​കൃ​ത​ർ അ​റി​യി​ച്ചു.

2021 ഡി​സം​ബ​റി​ലാ​ണ് തൃ​ക്ക​രി​പ്പൂ​ർ പ​ഞ്ചാ​യ​ത്തി​നെ​യും പ​യ്യ​ന്നൂ​ർ ന​ഗ​ര​സ​ഭ പ്ര​ദേ​ശ​ത്തെ​യും ബ​ന്ധി​പ്പി​ക്കു​ന്ന ഈ ​പാ​ലം നി​ർ​മാ​ണ​ത്തി​ന് 5.60 കോ​ടി രൂ​പ​യു​ടെ ഭ​ര​ണാ​നു​മ​തി ല​ഭി​ച്ചി​രു​ന്ന​ത്. എ​ന്നാ​ൽ ടെ​ൻ​ഡ​ർ അ​ട​ക്ക​മു​ള്ള സാ​ങ്കേ​തി​ക അ​നു​മ​തി​ക്കാ​യി സ​മ​ർ​പ്പി​ച്ച​പ്പോ​ഴാ​യി​രു​ന്നു ഉ​ൾ​നാ​ട​ൻ ജ​ല​ഗ​താ​ഗ​ത വ​കു​പ്പ് ത​ട​സം പ​റ​ഞ്ഞ​ത്.

ക​വ്വാ​യി ജ​ല​പാ​ത​യു​ടെ ഉ​പ​പാ​ത​യാ​ണ് ഈ ​പു​ഴ​യെ​ന്നും പാ​ല​ത്തി​ന്‍റെ ഉ​യ​രം കൂ​ട്ട​ണ​മെ​ന്നു​മു​ള്ള ച​ട്ട​മാ​ണ് പ​ദ്ധ​തി​ക്ക് ത​ട​സ​മാ​യ​ത്. തു​ട​ർ​ന്ന് 11.6 കോ​ടി രൂ​പ​യു​ടെ പു​തു​ക്കി​യ അ​ട​ങ്ക​ൽ സ​മ​ർ​പ്പി​ക്കു​ക​യും ചെ​യ്തു.

എ​ന്നാ​ൽ അ​തി​നി​ട​യി​ൽ തെ​ര​ഞ്ഞെ​ടു​പ്പ് പെ​രു​മാ​റ്റ ച​ട്ടം നി​ല​വി​ൽ വ​ന്ന​താ​ണ് ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കു​ന്ന​തി​ന് കാ​ല​താ​മ​സം നേ​രി​ടാ​നി​ട​യാ​യ​ത്.

പ​യ്യ​ന്നൂ​ർ ന​ഗ​ര​സ​ഭ​യി​ലെ കാ​റ​മേ​ൽ, അ​ന്നൂ​ർ തു​ട​ങ്ങി​യ ഭാ​ഗ​ങ്ങ​ളി​ലെ ജ​ന​ങ്ങ​ൾ​ക്ക് തൃ​ക്ക​രി​പ്പൂ​രി​ലെ​ത്താ​നും തൃ​ക്ക​രി​പ്പൂ​ർ പ​ഞ്ചാ​യ​ത്തി​ലെ ചെ​റു​കാ​നം, ത​ങ്ക​യം, എ​ടാ​ട്ടു​മ്മ​ൽ പ്ര​ദേ​ശ​ങ്ങ​ളി​ലെ ജ​ന​ങ്ങ​ൾ​ക്ക് പ​യ്യ​ന്നൂ​ർ ഭാ​ഗ​ത്തേ​ക്ക് പോ​കാ​നു​മു​ള്ള എ​ളു​പ്പ​മാ​ർ​ഗ​മാ​ണ് പാ​ടി​യി​ൽ​ക്ക​ട​വ്. ആ​ഴം കു​റ​ഞ്ഞ പു​ഴ​യാ​യ​തി​നാ​ൽ കാ​ല​ങ്ങ​ളോ​ളം ഈ ​ക​ട​വി​ലൂ​ടെ ഇ​റ​ങ്ങി ന​ട​ന്നാ​ണ് ജ​ന​ങ്ങ​ൾ ഇ​രു​ക​ര​ക​ളി​ലു​മെ​ത്തി​യി​രു​ന്ന​ത്.

പി​ന്നീ​ട് പു​ഴ​യി​ൽ നി​ന്ന് നി​യ​ന്ത്ര​ണാ​തീ​ത​മാ​യു​ള്ള മ​ണ​ലൂ​റ്റ​ൽ മൂ​ലം അ​വി​ടെ​യ​വി​ടെ ക​യ​ങ്ങ​ൾ സൃ​ഷ്ടി​ക്ക​പ്പെ​ട്ട​ത് യാ​ത്ര​യ്ക്ക് പ്ര​തി​കൂ​ല​മാ​യ​തോ​ടെ പു​ഴ ക​ട​ക്കാ​നാ​യി സ്വ​യം നി​യ​ന്ത്രി​ക്കാ​നാ​കു​ന്ന ഫൈ​ബ​ർ ബോ​ട്ട് ഇ​റ​ക്കി.

വ​ർ​ഷ​ങ്ങ​ൾ​ക്ക് ശേ​ഷം ബോ​ട്ട് കേ​ടാ​യി ക​ര​യി​ൽ ഉ​പേ​ക്ഷി​ച്ച​തോ​ടെ​യാ​ണ് പാ​ല​ത്തി​നാ​യു​ള്ള മു​റ​വി​ളി ശ​ക്ത​മാ​യ​ത്.

Copyright @ 2022 , Rashtra Deepika Ltd.